[Ankapobeny ] 30 Aprily, 2009 07:23

Mety ho diso hevitra izay milaza fa ny fanampenam-bava sy ny fisamborana no hiazonana ny fitondrana. Nalainao t@ basy io kaaza gaga raha halain'olona @ basy ihany koa. Lalam-piainana izany ary voafetra ihany ny fisainan-tsika olombelona. Ompa tsy Ompa no heno t@ ilay horonan-tsary tetsy @ carlton nandritra ny fisamborana an'i PM Manandafy sy ny namany.

  (sary topmada)

Eo dia afaka hitsarana sahady fa jiolahimboto ireto miaramila ireto ary manamafy izany ny fanamboridanana ireo voasambotra.

 

Tsy ho vita mora ity raharaha ity hoy ny mpanaram-baovao maro. Efa mandeha moa ny feo oe notifirina i Manadafy!!! Mbola tsy voamarina aloha io vaovao io hatreto. Ny hany azoko lazaina aloha di na efa ao anatin'ny fo mafana aza ny rehetra dia mbola mandamindamina ihany ingahy Ravelson Constant ary manetana ny olona ho tony aloha. Misy farany ihany koa anefa izany satria ny malagasy izay tsy miteny fa rehefa hitraotra izy tsy matahotra basy intsony an. 

Izay oe ihany fa ny mahagaga ny maro dia tsy naharenesana vaovao mihitsy ny mpitondra ny FAT sy ny mpanaraka azy. Menatra ve? sa tsy manakambara intsony. Hita rahateo fa tsy voafehy ireto miaramila nikomy sy nampiakatra teto @ fitondrana izay miroso makany @ ny tena Jadona tanteraka. Ny tantara no hitsara ka ho hita eo ny tohiny.

JEREO KOA ETO

[Ankapobeny ] 28 Aprily, 2009 12:54

Matetika tokoa dia ny olona ratsy toetra no ela velona. Io ilay tonga @ fitenenana oe "irina ho faty vao ela velona". Maro maro tokoa ny olona tsy nanao na inona na inona no voagadra ny fitondrana ankehitriny ary tsy ela akory ilay mpivarom-boky voatifitra tsy nahy ary maty tsy tra-drano ihany koa. mariky ny habibina avokoa izany rehetra izany kanefa toa miorom-paka tsara tsy misy ahihina intsony ny hirodanany noho ny ramatahora ampiarina ankehitriny.

 

Rava miandalana ny tolona etsy ambohijatovo mbola mamy tokoa ny miaina ko. Toy izany koa ny any antsirabe satria dia miaramila mirongo basy no miaro ny toerana hivorina ka aleo manaja tena. Tanam-polo tokoa ve hiady @ basy marovava. Raha mba nanana fiadina indray dia hafa indray. Tampina tanteraka ny vavan'ny mpanohana ny ara-dalana satria na ny radio mada mbola nande kely aza ankehitriny tena moana tanteraka nanomboka androany.

Ho hita eo ny lazon'ady ny mpitarika ny tolona satria ny traikefa sisa no mila ampiadiana @ izao fotoana izao. Ny mafana (MFM) tokoa mantsy efa zatra ady @ fandravana fanjakana ka asa izay konokononiny any ambadika any ankehitriny. Mbola misitery daholo izany. Saika nosamborina alina tokoa ny praiminisitra Manandafy Rakotonirina. Tsy tontosa anefa izany fikasana izany.

Ny fiainana miakatra zao ny malaza sy iadivan'ny valalam-bemandry efa mihoatra ny 15.000 fmg izao ny ny sandan'ny Euro. Manaraka izany dia  horoahana daholo koa ny mpandraharaha vaventy Rio tinto mitrandraka ny fasimainty sy ny etsy ambatovy ny resaka petrole moa dia efa lasan'ny total ny ady kle ankehitriny. Tsy mahagaga satria voazanaka indray ramalagasy be tokoa ny mpamadika koa.

Manjaka ny gaboraraka ankehitriny feno mpivarotra eran'ny lalana rehetra toy ny t@ fotoana ny repoblika faharoa ireny ny etsy analakely. Mitsangana avokoa ny fivarotana tsy ara-dalana rehetra ary eny ampovoan'ny arabe no manao izany ireto mpivarotra fripy sy jean ary koa mpivarotra kiraro tonta. Manorisory na ny mandalo eny analekely ary tena miteny irery mihitsy oe niverin-dalana ny malagasy izany.

 JEREO KOA ETO

[Ankapobeny ] 27 Aprily, 2009 09:57

Amiko manokana aloha dia tsy ahoako akory na tapitra may ao ary ny fiara mifono vy rehetra an'ny tafika (malagasy) izay tsy mendrika akory satria mpamono malagasy no asany h@ izay tsy nisy mpananim-bohitra mba lavon'izay tafika izany teto fa toa mpamosavy malemy ka ny ato antrano ihany no aripaka.

 

Fa efa sahy mihitsy koa aloha ilay mpanafika ny kazerina satria tsy vao ela fa t@ asabotsy teo ihany koa no nahalavo miaramila iray kamio ry zalahy iny izy hivoaka ny tonelina ambohidahy iny no nisy nanipy grenady tonga dia taraiky ny iray kamio. Eny @ hopitaly eny soavinandrina ny akamaron'ireto miaramila ireto ankehitriny. 

Midika izany fa tsy misy fandriam-pahalemana velively eto madagasikara  vao maika aza mikorotana. Satria dia saika isan'andro no ahenona olana maty voatifitra, fiara may, trano may ary olona voasambotra sy gadraina. 

Etsy andanin'izay dia tonga eto Madagasikara t@ asabotsy teo ingahy Rajaonarivelo Pierrot! Nisahotaka ny eo anivon'ny FAT tsy nampoiziny mantsy oe ho sahy izy ka efa manomboka mitsikera ihany koa. Maro fahavalo loatra ity fitondrana ity ka asa na hateza na tsia. 

Miandry izay zavatra hiseho androany indray ny rehetra ny malaza aloha dia feno manao barazy ny tanana ka sahirana ny mpifamoivoy. Tsy fantatra rahateo na iza na iza no manao itony barazy itony.

Farany kosa dia mbola mandeha ihany ny radio mada na efa natao haza lambo aza ny fitaovana. Midika izany fa misy olona tsara sitrapo foana manome fitaovana sy mampiatrano azy. 

Jereo koa eto

[Ankapobeny ] 24 Aprily, 2009 10:26

Voaporofo izao ny mpanao ny asan'ny maizina
Tena nidiran-doza ny Malagasy    
Tsy maintsy hamafisina ny vavaka     
Sahia manohitra  ny ratsy    
               
Lettre    Numero    Multiplicateur    Produit
A               1        6                         6
B               2         
C               3         
D               4        6                        24
E               5         
F               6         
G               7        6                        42
H               8         
I                9         
J              10         
K              11         
L              12         
M             13         
N             14         6                        84
O             15          
P             16         
Q             17         
R             18         6                      108
S             19         
T             20         6                      120
U             21         
V             22         6                      132
W            23         
X             24         
Y             25         6                      150
Z             26         
          A+N+D+R+Y  + T + G + V =    666
               
Vakio ao amin'ny Baiboly :  Apokalypsy 13 :  18
                                              Jakoba 4 : 7

Dia izao no zavatra tiany indrindra ny mamono olona

Miala tsiny @ izay tsy mahatanty aloha aho fa izao no zava misy tsy azoko afenina.

Maro be ihany koa ireo razan'olona nalefa eny @ Crocfarm eny Ivato.

Jereo koa eto

[Ankapobeny ] 23 Aprily, 2009 09:12

Baiko nanomboka ny 22 aprily teo ny fandravana @ fomba rehetra ny tolona atao etsy Ambohijatovo. @ izao ora izao dia feno miaramila manodidina ao ankehitriny. miambona ny zaridaina. Mampihomehy mihitsy ny asan'ireto miaramila malagasy ireto zaridaina no arovana. "Insolite" hoy ny vazaha izay.

Nahasambotra miaramila ny Capsat kosa ny mpitolona any Antsirabe miaramila 5 moa ireo saika haka ny radio mada tany fa sendra ny vahoaka tsy mihemotra ka izao voasambotra izao. Atao famotorana moa ry zalahy ireto ankehitriny. Midika izany fa tsy misy fanjakana toa teny @ vahoaka eto akory.

Vaovao farany dia nisy maty indray etsy ambohijatovo novoin'ireo emmo reg!!! Misy ihany koa ny maratra noho ny fifandonana. Tsy mihemotra anefa ny olona tonga marobe fa manao vy very ny ainy mihitsy. Mampahonena ny fiainan'ny malagasy ankehitriny. Mifamono sy mifandringana toy ny tsy mpiray tanindrazana fa baikon'ny vola sy ny fitiavan-tseza.

Jereo koa eto 

1 2 3  Manaraka»