[Ankapobeny ] 20 Aprily, 2009 14:29

Mitohy ihany ny vono moka ataon'ny FAT. Ny tanjona angamba dia ny handrimpaka ireo mpanohana an'i Ravalomanana koa dia mihomana fa miandry ny tribonaly iraisam-pirenena ao aorina kely ao.

Maro ny maratra ao anosy ao @ izao izaho manoratra izao. Ny maty koa efa misy araka ny loharanom-baovao. Sakanana ny Capsat ny varavana mankao @ hopitaly Hjra.

Manome vaovao eo ihany avy eo.

Jereo koa eto

[Ankapobeny ] 17 Aprily, 2009 12:49

Manoratra ho anareo aho ary miangavy anareo namana mba hanaparitaka izao resaka izao amin' ny rehetra izay azonareo havaovana izany:


Ambaran' ny AVI fa izaho no nitondra ny taratasy ordonnance avy amin-dRa8 manendry ny directoire militaire teo Antanimena. Nahoana no dia manao lainga marivo tototra tahaka izany Ratsirahonana Norbert sy ny AVI. Izaho aza tsy nahafantatra akory fa momba izany directoire izany no antony hivoriana tao Antanimena tamin' iny 17 Martsa 2009 tolakandro iny. Eo am-pisakafoana antoandro amin' ny 12.30 antoandro (17 Martsa 2009) izaho sy ny zanako no niantso ahy i Odon Razanakolona ka nanao hoe mangataka hihaona amintsika FFKM (averiko tsara amintsika FFKM) ny ONU fa misy zavatra maika ka dia ao Antanimena no fotoana amin' ny 1 ora tolakandro. Rehefa tonga teny aho taoriana kelin' ny fotoana nomeny dia nilaza indray izy fa
nahemotra amin' ny 3 ora tolakandro ilay izy fa mbola any amin' ny Filoha Ravalomanana ny ONU. Rehefa tonga ny tamin' ny 3 ora tolakandro dia akory ny hagagako fa tsy izahay FFKM ihany no tao Antanimena fa ny avy amin' ny opposition samihafa (isan' izany Ratsirahonana), ny Capsat, ary TGV.

 

Tsy nisy solontenan' ny mouvance présidentielle kosa teo anefa!!! Teo koa ny Ambasadaoro Amerikana (izay nanao tsilian-tsofina tamiko teo andalantsara fa nametra-pialana ny Filoha Ra8 na dia famindram-pahefana @ miaramila aza  hoy izy io nataony io. Fomba mihaja diplaomatika ihany io hoy izy fa:fametraham-pialana no dikany) sy Afrikana Tatsimo ary ny ONU Dramé sy hafa koa. Dia tsy tohizako intsony ny tantara fa iny nitranga iny... Koa nahoana no lazain' ny AVI aho fa niara-niitondra ilay taratasy ordonnance iny niaraka tamin' ny ONU sy ny Amerikana sns? Tena lainga marivo tototra izany ary misy porofo...
Ka dia ilaina ny manao démenti amin' ny anarako avy aminareo namana, na izay fantatrareo fa afaka manao izany. Miezaka manadio tena mantsy Ratsirahonana sy ny AVI-ny fa hitany fa mitady hivadika ny tantara.
Lala Rasendrahasina
Filoha
FJKM

Vaovao hafa kosa dia notendren'i Prezida Ravalomanana ho praiminisitra ingahy Manadafy Rakotonirina.

 

Jereo koa eto

[Ankapobeny ] 13 Aprily, 2009 12:22

Miarahaba antsika tratry ny fetin'ny Paska!! Somary tara kely vao afaka namoaka lahatsoratra fa voa ny biby ity matôsy ity dia tsy maintsy novonoina tanteraka. Anomboka hanome vaovao @ izay angamba manomboka rahampitso raha sitrapon'ny Tompo.

Manaova fety sambatra daholo

[Ankapobeny ] 09 Aprily, 2009 13:07

Eo am-piandrasana an'i dada ny vahoaka manohana ny ara-dalana ankehitriny ary efa mahazo vahana tokoa ity tolona etsy ambohijatovo satria dia tsy maintsy miroso @ tetezamita iombonana ity tantara ity ankehitriny ary tsy maintsy miverina @ ara-dalana sy ny lalam-panorenena hoy ny iraka manokana avy any @ vondrona afrikanina omaly.

Toram-bato tsy nisy ohatr'izany ny filaharana ilay menaka sy vary tao @ boriboritany iray teto andrenivohitra. Eo ny mimenomenona sy sosotra satria tsy nahazo na voam-bary iray aza kanefa efa t@ 3 maraina no nilahatra!!! Mbola aiza no ahazo e! Vao manomboka io filaharana io. LOL

Nihena ny vidiny no mofo ary nihena niaraka t@ izay koa ny ambehany! lasa iray ankihon-jazakely sisa no halavany any @ 20 santimetatra any ho any no halavan'ilay mofo 200 Ariary. Tsy mahavoky akory ary lasa lafo noho ny teo aloha aza satria lsa mofo 2 no hoanina vao mahasehaka an'ilay 300 fahiny. Mbola aiza e! Efa manomboka mimenomenona sahady koa.

Hilaharana ihany koa ny solika ankehitriny ary matetika dia tsy misy ny toby maro eto andrenivohitra. May ny Jirama ambohimanambola manomboka ny delestazy. Migrevy ny ao @ Minisitera ny vola sy ny banky foibe. Mbola aiza e! izao ilay oe mitady ka nahita.

JEREO KOA ETO

[Ankapobeny ] 04 Aprily, 2009 19:01

Vita hatreo ny momba an'izany orinasa Tiko izany izay orinasa goavana indrindra teto afrika raha eo @ lafiny "agro-alimentaire". Indrisy fa ny malagasy ihany eto an-tany no mahavita mamono ny orinasa izay mba afaka hitaha @ any ivelany. Tsy hisy mihitsy izany amerikanina hahafoy ny General Motors izany. Na ny frantsay hahafoy ny orinasa Total izany. Ny malagasy kosa dia ory havamanana. 

 

Varina manisa vola miditra any am-paosy ny namana ny malagasy fa tsy mba mionona @ vola miditra any @ tena. Omeko tsiny ny mpitondra ankehitriny satria tokony mba nijery ny mpiasa t@ ireny orinasa lehibe izy fa tsy nanao izay hamotehana ny orinasa toy izao. 

Nanambara androany ary ny tompon'andraikitra tao @ ity orinasa ity fa hjanona tsy hamokatra intsony ry zareo. Nisaorana avokoa ny olona rehetra niara niasa t@ mivantana sy ankolaka. Ary namela tokatrano 3000 tafo very asa ry zareo. Efa nandeha moa ny feo nanomboka omaly oe ho avy hanao be midina any andranomanelatra indray ny Capsat @ alatsinainy ho avy izao ary hanery ny tompon'andraikitra hanidy ny orinasa ka manoloana izany dia ny azy no nataony tonga aloha. 

 

Tsy mendrika hanana zavatra tsara ny malagasy mora ny manimba sy mandrava fa tsy hay kosa ny mikoja sy ny manangana. Tsy ho hita eny an-tsena intsony izany ny vokatra rehetra novokarin'ity orinasa lehibe ity. Ho hita eo kosa oe iza no sahy hividy an'izy ity mora ao aorina ao. Tandremo koa anefa fa kodiaran-tsarety ny fiainana!!! Anareo no maminavina ny tohiny. Mahaiza mionona.

Jereo koa eto