[Ankapobeny ] 26 Septambra, 2009 14:24

Afabaraka ny filohan'ny tetezamita tany NY t@ fivoriana ara-potoana ny firenena mikambana. Indroa saika hisisika hitena mantsy ranamana kanjo sendra ny taolana tsy nahendry azy!!! na dia adala ary izy @ fijeriko. Efa fantatra fa misy ny romoromo momba ny nakana ny toerana mbola mitonatonana any @ ihany. Ilay SADC namavony taloha tokoa mantsy no namelaka tamaina azy havia sy havanana satria dia tena nalain'ireo baraka imaso imaso mihitsy oe hivoaka izahay raha miteny eo le io fa mpanongam-panjakana io.

Ny vahoaka tsy mandady arona indray no nanalana vokona androany satria dia nodarofana baomba indray ireo vahoaka efa leo azy @ ilay toetra FOZA ORANA. 

[Ankapobeny ] 18 Septambra, 2009 08:10

Tsy mbola nisy fahasahiranana tahak'ity teo @ fiainako!!! Mihena ny fidiram-bola noho ny toe-draharaha eto @ firenena ny zavatra ilaina andavan'andro anefa midangana izay tsy izy. Ny ankizy tojo tsy fahasalamana tampoka ary midika avy hatrany izany fa famoaham-bola tsy ampoizina. Ny trosa isam-bolana anefa tsy maintsy aloha foana dia ny aterineto, ny finday sy ny fahitalavitra midina avy any @ zanam-bolana (TPS)... izay pitsopitsony tsy dia ilaina akory kanefa mba afaka nigalabona t@ izany ihany tany aloha tany. Misy akony @ fiainako andavan'andro mihitsy ny fidinan'ny sandam-bola malagasy 1€=3000 Ar ankehitriny. Miakatra aby ny vidin-javatra ary miakatra ihany koa ny saran'ny entana fanafatra toy ny solosaina sy ny finday...

Very fanahy mbola velona ihany ny tena ankehitriny mahita ity fiainana miha mikoroso fahana ny tena anefa mba nahita fianarana ihany fa tsy de oe olona nôfa be akory. Fa ny tena mampihaiky ahy dia mahita ny olona mbola manana tsirim-panantenana ihany @ izao fotoana izao ary rariny loatra kosa aloha izay e! Raha de samy hiraviravy tanana eto daholo kosa moa ve tsy de tena vita tompoko ny amin-dramalagasy e! 

Hany hery dia ny mionona @ izay anjara sisa tsy hisy mangirana ihany ve ao aorina ao e! Hany ka na ny hanoratra eto @ blaogy ary dia malaindaina izany tsy ny oe ny vaovao akory no tsy misy fa ny tena mihitsy no tena mbola mila maka aina kely mihitsy aloa mandinika tsara ny lala-kombana!!! 

Tapitra

[Ankapobeny ] 07 Septambra, 2009 14:58

Trano miisa 12 be izao no lazain'ny olona fa an'i filohan'ny fat miorina eny ambatobe. 5 volana izy izay no nitondra atsokosoko ny firenena malagasy izay mivarina any an-kady kary ankehitriny ny harena kosa anefa dia niombo be tokoa nandeha mafy tokoa noho ny hafangainam-pandeha ny lamasinina TGV ny vola miditra any ampaosy. Tsy mahagaga raha mifikitra mafy eo fitondrana avokoa ny mpanao politika.

Ao ireo mividy trano any ivelany ao anatin'ny 3 volana monja hoy i Zafy albert izay dia efa vola be tsy toko tsy forohona no voaangona sy voahodina any @ kaonty n'izy ireo any ivelany any. Tsikaritra koa fa hita ho bolangina be sahady i Monja roindefo ankehitriny hita @ sary ao raha!!! Ny hafa moa dia misatila @ Toaregy sy 4x4 tsy mahita fangirifirina izany.

Tsy misy fitiavana tanindrazana izany eto fa fitiavan-tena no betsaka e! zay no tena marina. Mahaiza ary miary harena izay ho lanin'ny kalalao sy ny koroka ry mpanao politika isany fa ny vahoaka kosa dia avelao hiroaka ahitra any daholo rehefa very asa sy tsy misy ho hanina.

Tapitra

[Ankapobeny ] 02 Septambra, 2009 11:42

Tsy tazanatazana mihitsy aho tao ho ao izay fa tena repotra be mihitsy tsy tany maputo akory ka! Sahirana t@ papozy kely satria dia nanavy be ny sobiniaina ka voatery naiditra hopitaly!!! Hisaorana an'Andriamanitra aloha fa efa salama indray izy ankehitriny na dia voatery nasina serum 6 tavoangy aza. Mafy ny nanjo ontsa ny fo nahita ity tanana kely napidirana fanjaitra kanefa dia vonjy aina no natao koa dia nionona ny fo nankinina t@ Andriamanitra tokoa ny fitsaboana koa dia sitrana soa amatsara izy ankehitriny.

Tsy gripa H1N1 akory no nahazo azy fa gripa tsotra ihany fa somary mahery vaika kokoa ilay gripa @ izao fotoana izao ny lehibe moa afaka mitaraina marary rehefa misy ny manjo fa ny ankizy tena tsy misy hafatarana azy mihitsy oe tsy salama raha tsy izy efa nisy hafanana be. Sambany rahateo izahay mivady vao mba sendra zaza marary izany ka tsy hitanay izay ho raisina ka ny nikorapaka namojy hopitaly no masaka tao an-tsaina. Kay tena fepetra tsara no noraisinay satria dia nahavonjy tokoa.

Tsy maharam-baovao intsony aloha za tato ato izay fa mijerijery @ aterineto fotsiny tsy misy fotoana hamakiana loha @ fitiavan-tena dry zala koa a ny tena marina. Toa oe rava maina ny tany maputo no henoko farany dia midongy toerana i Rajoelina oe!!! Avelako kely aloha ianareo fa andeha hikarakara ankohonana aho aloa.

Tapitra