[Ankapobeny ] 04 Novambra, 2010 14:31

Ny namana sasany teto @ blaogy mitady sipa virijiny fa ny a indray sipa efa niasa "used" no tadiaviko! lol "Etat impeccable" tsy dia mbola miroraka firy ny entana. "En forme" tsara na ny ambony na ny ambany tsy dia fohy laotra nefa tsy lava be ihany koa fa eo @ antonony. Bika-na Catalogue e! "Option: full" ary "toute" revy. Mahazaka gidragidra tsara tsy dia mila tambitamby firy. Tsy dia be seremaona rehefa misotrosotro na tsy tafody an-trano. Tsy dia mila vola firy fa ze tongako ao ambovo no revena manja. Tsisy "charge" na misy "charge" ary dia tsy miantoka a fa mbola krizy. Hi hi hi 

NB: "Demi-maman" tsy mbola ni-kil kosa alo no ilaiko e! "Si non" za tsy nametraka an'ty teo.

Vita izay ny rediredy fa andeha hiverina hiasa @ izay aloha. Hitako fa tsisy kil mihitsy eto @ serasera sy blaogy ato dia mba namorona lahatsoratra adaladala a aloha hijerevako raha misy mpitsidika ihany ity blaogy ity na tsia! TPT

Ho hitako eo izay hevitra hipetraka eto ka izay no andrefesako oe afaka milatsaka maire ve za sa depiote sa sefom-pokotany? na koa tsy milatsaka mht MDR...

Tapitra

Jereo koa eto 

 

[Ankapobeny ] 02 Novambra, 2010 07:03

Mbola hiverenako ihany ry reto ty resaka tsena tsena ity a! filaharana be tsy misy ohatr'izany izay toerana nolalovako ka misy ity tsena mora vidy ity vahoaka mitangorona be sy mitabataba no hitanao eo ary tsy ilaozan'izay ady sy gidragidra hatrany. Misy ny risoriso sy ny ady ny besandry ka tsy maintsy misy ny korotana sy savorovoro. Ny mahavarina dia misy loko na tgv "oranjy" eo ambony ny tsena fika daholo izany e asa na hadaitra na tsia. Maraina mandram-pahariva ny andro de eo ilay malagasy miandry ny anjara kely voatsirambin'ny tanana eo! Nga hita intsony e toy ny akoho kely notsimpazana fotsim-bary ka mifaly @ izay tandrify ny vava eo. Aza manody ny toa an-dramalagasy nampahatraina mba tsy ahafahany misaina.

Izay ny amin'iny fa hitatitra ny zavatra hitako indray aloha a. Orana nikija foana izany isaky ny hariva teto @ tanana. Rano be mangeniheny ny arabe manerana ny tanana tsy hateza io arabe io fa ho feno lavaka io atsy ho atsy. Vokatry ny ora-baratra dia tapaka nanomboka ny asabotsy tsy niverina raha tsy ny alatsinainy 1 novambra t@ 9 ora alina ny jiro teny @ faritra maro teto Antananarivo izany oe tsy nisy jiro nandritra ny 3 andro!!! Ny faktiora anefa tsy mba misy oe tara fa dia tonga ara-potoana foana TPT mahagaga. Izay ilay fanajana ny kil e.

Tapitra

News2dago Talata 02 Novambra 2010

jereo koa eto 

[Ankapobeny ] 26 Oktobra, 2010 14:15

Sendra mba niakatra tany @ Ville (Analakely) aho androany dia mba hitantara zavatra kely tsy de manao ahoana akory fa tsy maintsy oe hosoratako eto ihany na dia tsy misy dikany firy aza. Voalohany ary dia niverina indray ilay fitohanana ny tamban-jotra na taxibe eo Soarano na efa t@ andron-dRazanamasy sy ry Lalatina ary no nahitako azy farany ilay eo @ kihon'ny fiolanana eo @ Pochard io indrindra tonga dia azonao an-tsaina mihitsy ny fitohanana fa fantatro. Ny antony dia tapaka ny lalana makany @ petite vitesse Isotry iny satria nomena ny mpivarotra ny arabe. Faharoa, dia afaka miverina ihany koa @ iny lalana eo amin'ny Pochard iny mankaty Antanimena nefa efa tery ilay izy. Rariny raha mitohana ny lalana eo ny taxibe rahateo manandoha izay ihany ny saofera ka tsy mahagaga raha mivaralila ny fitoanana.

Manaraka izay dia gaga aho fa lasa misy bazary ao @ gara ny soarano hitako lavitra fotsiny fa ohatra misy botika izany ao anatiny gara ao mihitsy! Ilay gara ny soarano fanaovana RDV fahiny iny na hipetrapetrahana rehefa vizaka mandendeha mitety arikady fahiny. Tadidy ery rehefa ho any Antsirabe fa tsy hifankahitana ny olona mifanaretsaka eo miandry ny lamasiny tonga @ 5ora hariva!!! Ny tena rahateo zanaka mpiasa ny gara ka tsy misy tsy hay ny ora fiaingana sy fahatovan'ireny zotra ireny fahiny. Indrisy fa tsy mbola ato ato mihitsy izany zotra an-dalamby izany no hiverina ahiko tsy hiverina intsony mihitsy e. Aiza ve koa ny gara natao hiantsonana ny fiara-dalamby avy ity no lasa tsena toy ny etsy Soarano ny eny Soanierana moa dia lasan'ilay orinasa Total hivarotana lasantsy. Tsy mba hitaingina lamasinina zany ny taranaka malagasy ary mety tsy ahafantatra akory izany masinina izany akory aza.

Tsy mbola vita ihany koa ilay lapan'ny tanana oe ho vita alohan'ny fahaleovan-tena io indray dia tsy mahagaga ahy satria ny Rova ny manjakamiadana izay nantenaina ho vita ary ity toa tsy nihetsika intsony ny fanamboarana!!! Aleo aloha izy iasa e! ho hita eo raha mahavita na tsia TPT.

Manoloana indrindra ny Hotel de France iny indray raha nitopy niankavia ny masoko ka hatreny @ sicam taloha izay efa lasan'i Glacier manotolo izy izao dia fiara madio be tsy misy pentina vraky be no hitako misy soratra oe amidy "A VENDRE" misy tena tsara mihitsy an ireny clio1, polo na 405 ... vraky e misy isafidianana ao asa anga oe ohatrinona ny vidiny fa tena manambaka vaovao mihitsy raha ny fijery azy ety ivelany. Ny eo @ parking ampovoany kosa dia ireony fiara mercedes sprinter ireony eo mbola tsara ihany koa ary tena hita mihitsy oe mbola tsy dia niasa firy ilay izy eo ihany koa ireny dzama (mazda) be soratra irony izay familina @ ankavanana ny akamarony nafarana avy any korea mihitsy ireo fa siora a. Dia nanteraka hivarotra zavatra efa niasa ramalagasy e tsy mba mendrika ny hitondra vaovao mihitsy fa dia fripy ihany no sahaza azy aleo atao @ teny vahiny hafa oe "USED" dia mba ohatra ny maivamiavana ilay izy. TPT

Manoloana ny Baolai kosa dia feno fiara efa mondraka izany ireny fiat,  R9, R18 na 305 misy soratra indray eo @ fitaratra manao oe: "Manamboatra GSM: Décodages, Flashage, Réparation foza orana sinoa!!!" Tonga dia azoko antsaina fa ilay telefonina ampiasaiko ato io koziny eo io dia ilay foza sinoa mora vidy be kanefa dia mahazaka sim roa miara mande misy tele bluetooth  misy radio mahavaky mp3 sy mp4 na 3gp mahay zavatra anie ny sinoa e! Hay zany mba misy mahavita ihany izy itony rehefa simba ko.   

Tapitra

News2dago faha 26 Oktobra 2010

Jereo koa eto 

[Ankapobeny ] 22 Oktobra, 2010 13:45

Hiverina hiblaogy indray aho hanala sorisory @fiainana andavanandroko fa tena mihamaloka mihitsy izy tato ato izay. Avelako kely any aloha ny politika ho an'ireo mpiangaly azy fa ny fiainana @ankapobeny indray no hitondrako vaovao kely ho antsika rehetra alony.

Miditra @ fotom-pahavaratra ny eto Madagasikara raha ny tokony ho izy saingy nivadika ny glôby ka mbola vanim-potoana ny manalasala angamba no hilazako ny vonon'andro eto aloha. Tsy mangatsika tsy mafana fa tena manalasala e. Maraina mangatsika @ antoandro mafana be @ hariva miverina indray ny hatsika ny rahona anefa milondolondo toy ny hanao azy ery ny orana saingy tsy mety latsaka izy aloha hatreto fa miazoazo ihany. Raha latsaka eo io tena angamba dia hanavandra mihitsy.

Vokany, mamely ny gripa tena tsy misy hevitra fa mandripaka tokoa na kely na lehibe dia lazony avokoa. Ny  maripana tafakatra any @ 40° any ho any ho an'ireo izay manavy ary tena mangorangorana tokoa rehefa voan'ilay gripa. Tsy afaka mihitsy raha tsy mandray kely antibiôtika "amoxi" na ny "tetra" soa ihany fa azo vidina eny @ mpivarotra anana ny akamarony ny fanafody somary ampina kely paracetamol 2 indray mitelina mandritra ny 5 andro eo dia misava ihany ilay gripa. Tsy hita moa re olona fa manao dokotera tena eo rehefa voa fa sitrany ahay tokoa mba vola mipetraka ny vidina "consultation" any @ radoko!!!

Efa nolazaiko anareo teto ihany koa ilay Tsena Mora atolotra ho an'ireo Gasy mahantra dia 500Ar hono ny kapaoka ny vary  ary 1000 Ar ny litatra ny menaka izany oe hovokisana vary be menaka zany ny malagasy TPT mandritra ity fampielezan-kevitra hitsefotra ity. Manotany tena ihany aho manao oe toa vonjy tavan'andro fotsiny izany zavatra atao izany mamono afo angamba e! satria tsikaritra tokoa ary voamporofo any @ lahatsoratra nosoratan'ny namana hafa any faha karazan'olona hafa mihitsy no akamaron'ireo nilahatra ny alatsinainy lasa teo ireny. Ireo ilay olona mataty saoka amin'ny gidragidra ireo fa tsy le zanak'i dada intsony. Tsy maintsy ho tambazana ihany aloha sao hanahirana atsy ho atsy.

Tapitra

News2Dago faha 22 Oktobra 2010

Aza adino ny Mitsidika eto

[Ankapobeny ] 03 Septambra, 2010 08:32

Maro moa ny vaovao tokony mba tantaraiko anareo na dia somary varina foana @ty radio2dago ty aza a dia tsy afaka ny tsy hilaza vaovao kosa na izany aza sa ahoana hoy ianareo. Toy izao sy izao aryalo ny vaovao malaza eto @ tanàna e:

Misavoritaka hatrany ny lafin'ny politika tsy hita izay andraisana azy ny mpanao politika miady seza ny mpitondra mifikitra @ seza. Ny vahoaka mandry tsy lavo loha @ hafitsokin'ny jiolahy. Niverina mantsy ny delestage na dia nanankianana mafy an'i ravalo ary izany t@ fotoan'andro!!! heno izao fa dia ataon'ny orinasa Henri Fraise"orinasa frantsay nandray anjara betsaka t@ fanonganam-panjakana" maivoka mihitsy ny orinasa jirama @ fanofana ny gropy elekrozena ampiasana any andekaleka. Tsy afabela eo ramalagasy fa tsy maintsy mianki-doha lava @ ireo vazaha frantsay ireo na @ lafiny inona na @ lafiny inona.

Fa izany eo ihany fa misy karazan'olona miankanjo lava sy manao baraka dia mitondra tehina mandeha eran'ny tanana ankehitriny tsy mba mandeha fiara izy ireo fa mandeha tongotra hatrany ary miaraka maromaro ohatra ny karazana mpifindra monina izany izy ireo. Gaga be nahita ireto andihin'olona ireto satria dia miavaka ry zareo mihoatra ny mpandalo sasany @ ankajo anaovany. Kay zany ry zalahy ireo no Jiosy malagasy hono mipetraka etsy ambany ny tetezan'ny bypass ry zalahy ary efa manodidina ny 300 mahery any izy ireo ankehitriny. Ireto izany no foko faha 19 eto Madagasikara oa. Tsy afaka naka sary aho moa satria eny andalam-be ka sarotra ny haka haka sary olona eo.

 

Tapitra 

«Mialoha   1 2 3 4 5 6 7 ... 38 39 40  Manaraka»