news2dago

Mijaly ny mpitarika ny ara-dalana ary saika niafina avokoa izy ireo ankehitriny tsy omena tsiny ry zalahy fa efa mihatra aman'aina tokoa ny famonoana sy ny fisamborana ka aleo aloha maka saina tsara ka tsy hanindry ny fietanam-po be loatra aloha hatreto.

Vao omaly ny omaly izao no saika nosamborina ihany koa i Vola Dieu Donné Razafindralambo raha tsy nisy ilay lietna niteny mialoha an'i ingahy Vola Dieu Donné dia taraiky tao koa ranamana omaly. Hatreo moa dia tsy nisy mpitarika intsony ireto vahoaka ireto ka asa izao izay ho tohiny ny tolona. Ny radio mada efa mangina tanteraka noho ny fisamborana an'i Evariste Ramanatsoavina afak'omaly ihany koa. 

Diso tetika ihany ireto mpanao jadona ireto satria tsy ny fisamborana sy ny famonoana anie no ahafahana miazona fahefana. Etsy andan'in'izay kosa anefa dia very fanahy mbola velona ny mpanohana an'i Ravalomanana satria tena tapidalan-kaleha mihitsy ankehitriny. Ny maro moa dia milaza fa izao fihetsika izao no tokony natao t@ ireto mpanongam-panjakana ireto t@ izany fotoana. Tsy fotoana hifanomezan-tsiny intsony anefa izao fa fijerena ny ho avy kosa.

Hitan'ny jeneraly ramaroson alain tany Manjakandrina kosa ny fiara blindé anakitelo ny filoha Ravalomanana ka nentina t@ fiara be ny fivondronana moa ilay izy niakatra tety Ambotsirohotra fa misy code secret ka tsy nety velona. Pempo pempo be moa ilay fiara ka hita ho simba ihany raha ny fijery azy ety ivelany. Dia efa manao vazivazy moa ny mpitily oe mbola ho avy koa ny anjaranareo HAT ao aorina kely ao rehefa miongana ianareo. Dia hoy aho oe hifamaly faty eto fotsiny izany fa tsy hisy raharaha ho vanona eto.

Tapaka daholo ny rano ny jirama eny @ faritra maro eto an-drenivohitra indrindra ireo faritra avo toerana to ny eny Isoraka Antaninarenina Antaninandro Faravohitra sy andohalo rehetra iny ny eny Ampasampito mahazo sy ny eny @ Mosolé  sy Ankatso sy ny maro hafa e! tsy aleo indray delestazy toy t@ andron'ny dada toy injay ity tapaka rano ity.

Midina be moa ny sandan'ny ariary ankehitriny ka afaka manao bizina tsara ianareo any dilambato any raha sendra manam-pikasana ny hanao famantsim-bola aty @ tanana satria mety hitombo avo roa heny ny sandan'ny € atsy ho atsy hoy ny mpandinika. mety ho tafakatra any @ 5.000 ariary any moa ny 1 € ao aorina ao ary ahina mihitsy aza ny hiakarany hatrany @ 6.000 ariary any. Misaotra an'i reny malala mahay manjanaka ankolaka indray.

Jereo koa eto

(sary topmada)

Izy no razily nilanja saina dia nosamborina!!! Ny mampalahelo dia tsy fantatra izay momba azy h@ izao. Tsy hay izy na maty na velona ity ary ny rohy iombonana aminy ho fanoherana ny jadona sy ny herisetra.

Mitohy ny adalana ataon'ny capsat

Jereo koa eto

Ans Ampefiloha Fandriana
 
75 sy kidoro 50 lasan’ny miaramila

        Nanomboka ny alatsinainy heriny lasa teo no tonga teny amin’ny Ans Ampefiloha ny mpitandro filaminana nirongo fitaovam-piadiana. Tonga haka ireo fandriana niisa 75 sy kidoro spaonjy 50 fampiasa amin’ny fampivondronana mpilalao ry zareo. Nandritra ny herinandro ny fandravana ireo fandriana ireo. Araka ny fanadihadiana natao, nitondra taratasy avy amin’ny sekretaria jeneralin’ny fiadidiana ny Fahefana avo momba ny tetezamita(Hat) ireo mpaka entana. Nahazo ny fankatoavana avy tamin’ny tale jeneralin’ny komity mpanomana ny lalaon’ny Nosy na ny Coji izany. Tsy nisy ny fanazavana ho an’ny mpiandraikitra ilay foibe fa noterena fotsiny hanatrika ny fandravana ny fandriana sy ny fakana kidoro izy ireo. Manamboninahitra kapiteny no nitarika ny fakana izany, izay tsy nilaza mazava ny hitondrana sy ny hampiasana ny entana nalaina.
 
Tsy nisy nanohitra ny fampiharana ity didy ity ny mpiasa tao na heverin’ny tompon’andraikitra azo an-telefaonina omaly, fa tsy mety aza. Fitaovana tena ilain’ny mpanao fanatanjahantena malagasy ireo kidoro sy fandriana ireo. Eny an-toerana hatrany no misy fampivondronana ireo ekipam-pirenena na avy amin’ny taranja inona na taranja inona. Ireo no hany fitaovana arifomba ampiasain’ny mpilalao kanefa noesorina tamin’izy ireo indray.
 

 
Tsy mahagaga
 
Niteraka fanakianana sy alahelo tamin’ny mpitia fanatanjahantena izao toe-javatra izao.
 
Tsy mahagaga loatra azy ireo anefa ny fihetsiky ny fitondrana mijoro. Zary ankilabao hatrany ny fanatanjahantena eto amin’ny firenena hatrizay. Anisan’ny sehatra tsy mbola nahazo minisitra rahateo ry zareo ary toa tsy mahadodona akory ny fametrahana olona ho amin’izany. Araka ny vaovao farany azo, mahatratra folo ireo olona miady toerana ho minisitry ny fanatanjahantena. Anarana maro no miparitaka saingy misy amin’izy ireny anefa ny olona efa maloto : nanodikodim-bola tany amin’izay departemanta notantanany tany amin’ny faritra. Misy indray ireo olona tsy nahomby tany amin’ny federasionina nentiny teo aloha saingy nahatsiaro ho voailikiliky ny fitondrana teo aloha ka nijapy masinina niova ho Tgv. Manahirana ny fisafidianana ireo olona hapetraka ho minisitra, indrindra amin’ny vanim-potoana ilàna fanarenana goavana ny tontolon’ny fanatanjahantena eto amin’ny firenena. Anisan’ny nankasitrahan’ny mpilalao ny fikasan’ny governemanta hametraka an’Atoa Ntsay Abel ho minisitra. Tsy hita popoka sy tsy azo tamin-telefaonina anefa ity farany ny andro namoahana ny lisitry ny mpikambana tao amin’ny governemanta.
 
Mitohy ny ady seza...

nalaiko tao @ taratra io lahatsoratra io. Tsy ampy kidoro ny miaramila ka nangalatra kidoro. Loza mihitsy

Mety ho diso hevitra izay milaza fa ny fanampenam-bava sy ny fisamborana no hiazonana ny fitondrana. Nalainao t@ basy io kaaza gaga raha halain'olona @ basy ihany koa. Lalam-piainana izany ary voafetra ihany ny fisainan-tsika olombelona. Ompa tsy Ompa no heno t@ ilay horonan-tsary tetsy @ carlton nandritra ny fisamborana an'i PM Manandafy sy ny namany.

  (sary topmada)

Eo dia afaka hitsarana sahady fa jiolahimboto ireto miaramila ireto ary manamafy izany ny fanamboridanana ireo voasambotra.

Tsy ho vita mora ity raharaha ity hoy ny mpanaram-baovao maro. Efa mandeha moa ny feo oe notifirina i Manadafy!!! Mbola tsy voamarina aloha io vaovao io hatreto. Ny hany azoko lazaina aloha di na efa ao anatin'ny fo mafana aza ny rehetra dia mbola mandamindamina ihany ingahy Ravelson Constant ary manetana ny olona ho tony aloha. Misy farany ihany koa anefa izany satria ny malagasy izay tsy miteny fa rehefa hitraotra izy tsy matahotra basy intsony an. 

Izay oe ihany fa ny mahagaga ny maro dia tsy naharenesana vaovao mihitsy ny mpitondra ny FAT sy ny mpanaraka azy. Menatra ve? sa tsy manakambara intsony. Hita rahateo fa tsy voafehy ireto miaramila nikomy sy nampiakatra teto @ fitondrana izay miroso makany @ ny tena Jadona tanteraka. Ny tantara no hitsara ka ho hita eo ny tohiny.

JEREO KOA ETO

Matetika tokoa dia ny olona ratsy toetra no ela velona. Io ilay tonga @ fitenenana oe "irina ho faty vao ela velona". Maro maro tokoa ny olona tsy nanao na inona na inona no voagadra ny fitondrana ankehitriny ary tsy ela akory ilay mpivarom-boky voatifitra tsy nahy ary maty tsy tra-drano ihany koa. mariky ny habibina avokoa izany rehetra izany kanefa toa miorom-paka tsara tsy misy ahihina intsony ny hirodanany noho ny ramatahora ampiarina ankehitriny.

Rava miandalana ny tolona etsy ambohijatovo mbola mamy tokoa ny miaina ko. Toy izany koa ny any antsirabe satria dia miaramila mirongo basy no miaro ny toerana hivorina ka aleo manaja tena. Tanam-polo tokoa ve hiady @ basy marovava. Raha mba nanana fiadina indray dia hafa indray. Tampina tanteraka ny vavan'ny mpanohana ny ara-dalana satria na ny radio mada mbola nande kely aza ankehitriny tena moana tanteraka nanomboka androany.

Ho hita eo ny lazon'ady ny mpitarika ny tolona satria ny traikefa sisa no mila ampiadiana @ izao fotoana izao. Ny mafana (MFM) tokoa mantsy efa zatra ady @ fandravana fanjakana ka asa izay konokononiny any ambadika any ankehitriny. Mbola misitery daholo izany. Saika nosamborina alina tokoa ny praiminisitra Manandafy Rakotonirina. Tsy tontosa anefa izany fikasana izany.

Ny fiainana miakatra zao ny malaza sy iadivan'ny valalam-bemandry efa mihoatra ny 15.000 fmg izao ny ny sandan'ny Euro. Manaraka izany dia  horoahana daholo koa ny mpandraharaha vaventy Rio tinto mitrandraka ny fasimainty sy ny etsy ambatovy ny resaka petrole moa dia efa lasan'ny total ny ady kle ankehitriny. Tsy mahagaga satria voazanaka indray ramalagasy be tokoa ny mpamadika koa.

Manjaka ny gaboraraka ankehitriny feno mpivarotra eran'ny lalana rehetra toy ny t@ fotoana ny repoblika faharoa ireny ny etsy analakely. Mitsangana avokoa ny fivarotana tsy ara-dalana rehetra ary eny ampovoan'ny arabe no manao izany ireto mpivarotra fripy sy jean ary koa mpivarotra kiraro tonta. Manorisory na ny mandalo eny analekely ary tena miteny irery mihitsy oe niverin-dalana ny malagasy izany.

 JEREO KOA ETO

Amiko manokana aloha dia tsy ahoako akory na tapitra may ao ary ny fiara mifono vy rehetra an'ny tafika (malagasy) izay tsy mendrika akory satria mpamono malagasy no asany h@ izay tsy nisy mpananim-bohitra mba lavon'izay tafika izany teto fa toa mpamosavy malemy ka ny ato antrano ihany no aripaka.

Fa efa sahy mihitsy koa aloha ilay mpanafika ny kazerina satria tsy vao ela fa t@ asabotsy teo ihany koa no nahalavo miaramila iray kamio ry zalahy iny izy hivoaka ny tonelina ambohidahy iny no nisy nanipy grenady tonga dia taraiky ny iray kamio. Eny @ hopitaly eny soavinandrina ny akamaron'ireto miaramila ireto ankehitriny. 

Midika izany fa tsy misy fandriam-pahalemana velively eto madagasikara  vao maika aza mikorotana. Satria dia saika isan'andro no ahenona olana maty voatifitra, fiara may, trano may ary olona voasambotra sy gadraina. 

Etsy andanin'izay dia tonga eto Madagasikara t@ asabotsy teo ingahy Rajaonarivelo Pierrot! Nisahotaka ny eo anivon'ny FAT tsy nampoiziny mantsy oe ho sahy izy ka efa manomboka mitsikera ihany koa. Maro fahavalo loatra ity fitondrana ity ka asa na hateza na tsia. 

Miandry izay zavatra hiseho androany indray ny rehetra ny malaza aloha dia feno manao barazy ny tanana ka sahirana ny mpifamoivoy. Tsy fantatra rahateo na iza na iza no manao itony barazy itony.

Farany kosa dia mbola mandeha ihany ny radio mada na efa natao haza lambo aza ny fitaovana. Midika izany fa misy olona tsara sitrapo foana manome fitaovana sy mampiatrano azy. 

Jereo koa eto