news2dago

Tonga eto Madagasikara ireo mpanera vazaha ka nampiantso ireo malagasy te hanambady vazaha. Gaga fotsiny aho nahita ity tantitra an-gazety fa mahery ny 4.000 izy ireo no milingilingy te hanambady vazaha. Ary voalaza fa arahan-dranomaso mihitsy oe ireo izay tsy lany. Indrisy tokoa fa dia hitomanina ankehitriny ny hanambady vazaha.

Hividy fiaramanidina hfa indray hono ingahy Filoha fa tsy afapo @ ilay air force one keliny ao izy.Etsy an-daniny dia voalaza fa hiaka-bidy indray ny jiro sy rano. Ny solika moa dia tsy nisy fidinany mihitsy fa ariary be no mba fihenam-bidy. Ny baril anefa efa 60$ sisa. Misy fetsy be mihitsy ireo be vola ireo an.

Niletika kely ranews2dago teo ho eo izay satria variana @ fiainana an-davanandro. Eo ny fitaizana ny zaza eo ny asa somary maimaina tato ato izay. Fiainana daholo izany. Fa ny tena nahatonga saina ahy dia ny nijereko ny alimanaka fa hay efa madiva hivalona ity taona 2008 ity. Jereko ihany anefa izay tomban'ezaka toa ny eo ihany no eo. LoL ny tena no miantitra fa tsy hita izay tena zavatra niova.

Nalaza mihitsy izany oe bemidina izany fahiny. Ka tonga teto amiko ry zalahy androany nanotany ny patanty ny asako!!! LOL za kosa aloha tena mba mpanaran-dalana ihany fa t@ ity taona ity aho tena nahatsiaro sahirana izany ka nampandeferina ny an'i Kaisara tsy izy manontolo akory fa ny iray ampahatelony sisa no tsy voaloa kanefa mbola tsy azoko ny patanty raha tsy voaloa izy rehetra.

Iny moa tsy maintsy aloa ihany tsy olana fa ny fahasahiny ilay bandy mpamory hetra oe omena 100.000 Ar hono lery tonga dia vita ny tantara rehetra (omena ny patanty 2008). Raha tsy izany dia akatona ny trano fiasana. Tsy nanaiky kosa aho aloha satria maty be mihitsy aho satria ny vola 2/3 ny hetra efa nalohako dia kaontiny ny arina fotsiny izany satria amboarina ny raharaha! Bianco aiza enao e! toa dradraina fotsiny. Vola be mihitsy anie zany ny azon-dry le maty raha manao toy izany @ olona 10 ohatra dia efa mahazo 1.000.000 Ar. Tsy rariny kosa e!

Ny tena olana manaraka izay dia ny oe ny ben'ny tanana hono no maniraka manao an'io! dia mbola tsy rariny koa raha izany koa no mbola marina. Mampiome mahasosotra ihany ilay izy @ lafiny iray. 

Asa ianareo raha mahatsikaritra fa ny zavatra mandeha @ fahitalavitra dia miraikitra ao an-tsain'ny ankizy. Tato ato izay mantsy dia maro ireo dokam-barotra mandeha @ fahitalavitra. Eo ohatra ny Fresh vokarin'ny orinasa star izay namoaka karazana fresh vaovao misy tsirom-boankazo hafa toy ny frezy ny paoma ary menth dia ilay tena fresh fahiny koa mazava ho azy. Tsara tokoa ny tsiron'ity fresh ity raha ho ahy manokana. Iny aloha tsy olana na dia misy alcool kely ihany aza satria natao azo sotroin'ny daholo be izy iny tsy mitovy @ ilay cousin-ny soavaly 3 mampalaza an'i Madagasikara. Eo koa ny Lite karazany hafa ihany koa io tsy mahamamo ihany koa ny misotro azy io fa somary mangidy ihany koa ity farany.

Ny tena manitikitika ny saiko kosa anefa dia ilay zava-pisotro iray ao anaty kanety irony izay karazana manome tonus ny olona irony izany oe mampatanjaka izany ilay izy. Ny dokam-barotra rahateo moa dia tovolahy iray mikotrana basikety miaraka ny akama no somary tsy ampy vovokaina no nahazo kely @ ilay zava-pisotro ao anaty kanety ity tonga dia mahazo hery avy hatrany izy avy eo ary hita ho mavitribitrika izay tsy izy no tsy miraty arato mihitsy na iray aza avy eo. Ilay kanety misy soratra oe Dynamic koa tena manintona maso be ny paoziny ary tena mahate hanadrana ihany koa. Indro kely anefa hoy ny mpandrafitra izay satria tsy azo sotroin'ny ankizy latsaky ny 5 taona izy ity. Sarotra anefa ny handrara ny ankizy satria tsy ary ho arakao izay vidiny any @ vatsiny omenao azy. Voalaza tokoa mantsy fa efa misy ankizy marary nisotro azy ity any @ hopitaly hoy ny kidaona maraina omaly.

Mahatsiaro ilay tranga tany Bresil aho ilay tovolahy nisotro coca kely tao anaty kanety ary no avy eo nihinana bonbon menth tonga dia maty tsy tra-drano satria nifangaro tao akibo ilay rano sy ilay bonbon ka niteraka rivotra be no nadroatra be tokoa.Voalaza moa fa tena mitovy ireny baomba ireny mihitsy izy ity rehefa mifangaro. Ka manaitra ny tompon'andraikitra ihany @ izao zavatra izao sao dia ahitana loza.

Niampy iray indray ny fahitalavitra eto andrenivohitra. Tonga soa i LTV izay azonao jerena eo anelanelan'ny Tvplus sy ny Mbs ny marindrefy ahitana azy. Voalohany rahateo @ irony fahitalavitra fitoriana ny filazan-tsara irony izy ity. Tsy mbola fantatra marina moa izay tena tompony fa mbola karazana essai tekinika ihany aloha hatreto.

jereo koa eto.

Dia hirona sy hilomano ao anaty reggea indray ramalagasy @ farany herinadro satria dia hiseho sehatra etsy Antsonjombe ny alahady 2 novambra ingahy Alpha Blondy sy ny mpitendry sy teknisiana 17 be izao. Seho matihanina tanteraka moa no fanamby apetrak'i Joy K izay lasa mpikarakara lanonana lehibe toy izao. Manomboka mahazo sehatra avo avo ny lehilahy (Joy K) ankehitriny ary hinona fa ho mpifaninana @ media consulting sy ry kintana prod.

Mahagaga ahy ihany koa ny nahita an-gazety androany fa toa oe mirona kokoa @ kandida Barack Obama hono ny fon'ny tanora malagasy. Marihina fa tsy dia misy hidirany velively @ fianam-pirenena eto an-toerana ny mahalany azy ho filoha amerikanina fa mba te hanome vaovao fotsiny ilay gazety angamba hoy aho. Na ihany koa noho izy mainty hoditra no mety mba hiandrandran'ireto tanora malagasy azy ve? Mitarika tokoa aloha ranamana ankehitriny ary marobe ireo gasy mipetraka any sendra manoratra aty amiko oe mety ho lany tokoa izy @ 4 novambra. Eo izany no hanomboka hitsimbadika @ izay ny tantara ny Etazonia izay nalaza @ fanavakavahana vao tsy nisy 50 taona akory izay ary mbola ahitana izany any ankehitriny saingy kosa miseho @ endriny hafa.

Tantara lava be moa io resaka mainty sy fotsy io ary tena mbola mibahana eo @ fiaraha-monina eny fa na dia isika eto Madagasikara aza izay marihiko sy tsindriko eto fa samy voakilasy ho mainty hoditra avokoa na dia misy aza ny somary zarazara fihodirana dia mbola mipetraka foana izany resaka izany. Mahagaga tokoa! Tsy afaka miaraka hono ny andevo sy ny andriana fa samy manana ny lafim-pirazanany avy ireo. Ary raha sendra misy ny mpifankatia anakiroa tafaraka dia henatra ho an'ny fianakaviana. Azontsika porofoina ao @ karajia serasera ny ady hevitra momba an'izay. 

Anjanoko eo ny amin'iny satria efa ny fiaraha-monina no nametra izany rindran-damina izay ka tsy maintsy manaraka ny rehetra.

Jereo koa eto

Maina ny akamaron'ireo fefy cyprès eto Antananarivo. Voalaza fa misy bibikely mihinana izy ireny dia tapitra maina sy maty avokoa! Marihina fa maina hatrany @ fakany ity hazo ity hoy ny nahita maso ireo fefy manodidina an'Antananarivo toy ny etsy Ankorondrano ohatra. Asa izao izay fanefitra atao @ izy ity fa tena mihanaka mihitsy ity bibikely manimba hazo ity. Ny koroka aloha no tena fahenoko fa ilay biby mihinana cyprès ity tena mbola tsy haiko tsara.

Manomboka mirotsaka ny orana eto Andrenivohitra na dia mbola tsy tena mahavonto ny tany aza dia mba efa mampisento kosa ny firotsahany.

Tapaka tontolo andro kosa omaly ny lalana teny @ Digue noho ny fisin'ny fiara kamio kely nandona poteau ny jirama. Nidaraboka t@ tany moa ny andrin-jiro ka nimbahana ny arabe ary ilay fiara koa nivadika teo @ arabe ihany. Tsy nisy aina nafoy akory fa ny zavatra simba no betsaka.

Ireo indray aloha ny vaovao hany mba henoko androany.