news2dago

Mirary soa ho an'ny reny rehetra ary maniry fahasalamana sy fahasoavana hirotsaka ho anareo tsy tapaka izahay. Mahatsiaro anareo am-bavaka hatrany @ adidy masina miandry anareo isan'andro.

Tapitra

News2dago

Alahady ny trinité 31 may 2010 t@ 12 sy 19 minitra atoandro.

Tonga de Gadrao Vetivety (T.G.V) izay indray no hitako fa mety @ ty “sigle” ny Tanora malaGasy Vonona ity. Satria tena rapida mihitsy ‘ty fitondrana tetezamita ity raha hanagadra olona ary tena mendrika azy tokoa ilay anarana oe TGV. Marina tokoa fa ny zavatra tsy vitan’ny mpitondra tao anatin’ny 50 taona dia vitan’zala ao anatin’ny dimy ambinifolo volana monja. Manodidina ny 200 any mantsy izao no olona efa nogadraina h@ izay nahatongavan’i zandry kely teo @ fitondrana izay t@ alalan’ny fanonganam-panjakana fa tsy t@ alalan’ny fifidianana akory. Vokany tsy maintsy tapenam-bava izay tsy mitovy hevitra sy fomba fijery aminy.

Tsy vao ela akory izay ny raharaha FIGN izay tsy asina resaka lavabe eto intsony fa niarahana nahita ny zava-nitranga ary nampalahelo satria nisy ny rà ny Malagasy latsaka ary koa nisy ny aina nafoy ihany koa samy tompon’andraikitra na ny nanafika ny toby na ireo niaro ny toby samy mitsako izay zava-bitany ny andaniny sy ny ankilany fa ny tena nahatafitohina ny tena dia ireto nanjo ny mpiasa teo @ Radio fahazavana izay nadoboka eny Antanimora nanomboka omaly izy 10 mianadahy ao ny mpilaza vaovao ao kosa ireo teknisiana miisa 3.

Izany moa dia notanterin’I basyvava manao oe:

” MD daholo ireo mpiasan'ny Radio Fahazavana !
Naiditra am-ponja (MD) daholo ireo mpanao gazetin'ny Radio Fahazavana niaraka tamin'ireo teknisiana sy ny mpiambina rehefa nandalo fampanoavana io hariva io.Marihana moa fa efa tamin'ny 20 mey izy ireo no efa notanana teny amin'ny BC Anosy ary efa nakatona tanteraka tamin'io ihany koa  ny onjam-peo 88.6Fm”.

Eto kosa aho dia te hilaza fa tena efa tsy rariny intsony izao zavamisy izao. Inona moa no hidiran’ireo mpiasa ireo @ iny raharaha iny mivantana no dia zakaina ny tsy eran’ny ainy izy ireo??? Tsarovy fa raha managadra olona 1 ianao dia manangam-pahavalo 10 hafa indray koa ataovy ny kajikajy tsotsotra fa mety efa any @ olona 2000 any ho any zany no manohatra ny fomba fanaonao ankehitriny izay tafiditra tanteraka any @ ilay antsoina oe “ fitondrana jadona”. Anjaran’izay indray ny manaraka??? Mety ho izahay mpitoraka blaogy ve? Dia ho hita eo fa ny tantara no hitsara izany. Fianankavina 10 indray izany izao no very asa sy tsy misy mpiahy!!! Tena loza ity fa mandady ny trambo. Ny nanaitra ahy kely fotsiny dia toa tena ao anatin’ny planina mihitsy ilay fandrim-pahana ny manodidina an’I ra8 ny fahitako azy. An’ny FJKM raha teo moa ny Radio ary anisan’ny namelona izany radio izany I dada ary izy rahateo no manome ny karama ho an’ireo mpiasa ireo. Ka noho izay ve no antony manokana hamaizana ireo olona ireto!!! Asa aloha fa za vahiny e.
Manginy fotsiny ny fampijalina ireo olona fotorana sy alainam-bavany toy ny nanjo an’i Manandafy t@ fotoan’androny sy ny nanjo ny Pasitera Valisoa vao tsy ela akory izay sy ny nahazo an’I Tonton Ambroise. Sy ny sisa tsy ary ho voatanisa eto...

Hoy tokoa mantsy I mydago mitatitra ny vaovao manao oe:

“…, ny fitsarana an’i Ambroise RAVONISON na i Tonton, amin’ny Alatsinainy ho avy izao no hivoaka ny didim-pitsarana mahakasika ity raharaha ity, niverina hamonjy ny fandrinany eny Antanimora ny lehilahy mandram-piandry izany didy izany. Ny nanaitra ny maso aloha dia ny fahitana an’i Tonton narary sady nandringa tsy afa-mandeha. Aiza ny fanajana ny zon’olombelona amin’izao « famonoana izao »?”.  

Tsetratsetra tsy aritro fotsiny dia ity lahatsoaratra navoakan’I La Gazette ity:

“Fikasana handrava ny “La Gazette”: Ny pasitera Valisoa no nampaniraka       
Hametraka fitoriana eny anivon'ny mpitandro filaminana ny tomponandraikitra ato amin'ny La Gazette de la Grande Ile, noho ny fikasàna handoro sy hamono ny mpiasa tao aminy. Soa ihany fa vao nanomboka ny tora-bato dia tonga ireo mpitandro filaminana nandrava ireo andian-jiolahy avy amin'ny hetsiky ny mpitondra fivavahana mpiandany amin'ny vondrona Ravalomanana Marc. Ny pasitera Valisoa Rafanomezantsoa no nampaniraka ireto andian-jiolahy ireto ary nahare ny "baiko" nomeny ho amin'izany fandorana sy ny famonoana ny mpiasan'ny La Gazette, ireo mpanao gazety nanao ny asany teny amin'ny Mausolée. Fotoana fohy taorian'ny " baiko " dia nirohotra nandray vato tokoa ireo jiolahim-boto efa niandry teo anoloan'ny La Gazette de la Grande Ile. Azo sary moa ny ankamaroan'izy ireo ary hatolotra ny mpitandro filaminana hanamora ny fikarohana azy ireo izany rakin-tsary izany”. 

Aminareo mpamaky ny blaogiko mety marina tokoa ve izany fiampangana izany?
Etsy an-daniny kosa anefa dia very fanahy mbola velona ny olona ary betsaka ny manotany tena manao oe avela hijanona @ izao ve ity raharaha ity. Hanao inona tokoa moa hoy ny maro fa dia aleo manaraka ny onjany eto. Dia asa tokoa aloha izay fepetra tokony ho raisina fa misokatra amintsika ny ady hevitra manomboka eto.
TAPITRA

Sarotra ny naka vaovao omaly satria dia samy manana ny filazany sy ny lainga afafiny ny rehetra na teto @ aterineto na t@ haino aman-jery teto an-toerana ny fanotaniana mipetraka ankehitriny dia ny oe inona no mety ho tohiny ny raharaha? milamindamina ratsy izany mantsy ny tanana ankehitriny nef ahita ho toa matahotahotra izany ihany ny rehetra!!! 

Nanohina ny antso nataon'ny FIGN ny HMF sy ny ankolafy telo omaly teny @ mausolé??? teo dia efa nampanahy be ihany ny rehetra oe inona no mety hitranga sy fonosin'ity antso ity. Marihina fa tokony teny @ fjkm Ambohimanadray no natao ny fotoam-pivavahana kanefa dia novaina t@ ora farany oe eny @ farany ny taxibe 194 sy 146 indray ny hetsika no atao!!! Teo dia efa mahana ihany ny tena oe sao mba misy ambadika hafahafa izy ity ny vokany moa dia iny niarahana nahita iny lasa nilefa ny FIGN oe hiaro ireto mpitolona nakatona ny radio Fahazavana nosamborina ny mpanao gazety sy ny teknisiana niasa farany tao ny alin'ny 20 may!!! Mbola misitery daholo izany. Hilamina ary ve ny tetezamita ny rajoelina sa tsia? ny tantara no hitsara efa voakombona avokoa mantsy ny vava ny mpanohitra ankehitriny!!!

Lasa aiza indray kosa ary ireto FIGN ireto voalaza omaly mantsy fa efa voasambotra ny Kly Raymond ary efa any @ toerana tsara ambina izy raha tena marina io dia tokony naseho ny sary? Ny maraina anefa ny gazety nilaza fa tsy tratra io Kly io? Samy miandry ny rehetra!!! Miely indray ny tsaho oe eny @ toby ny RFI izy eo koa ny milaza fa lasany any avokoa ny fitaovam-piadina rehetra ka asa izay ho tohiny ny tantara ny irariny kosa anefa dia ny tsy iadin'ny samy malagasy. Apetraka @ Andriamanitra ny zava-drehetra.

Tapitra

Mbola maro ny olona tohina maheno ilay valan-dresaka nataon'i Kly Ravalomanana (sic) omaly nohon'ny fomba fiteniny manao oe:"raha izao mihitsy no tany dia notifiriko variraraka izay olona tany ary angamba dia faty nikararana no teo..." Zany ve dia tokony ho tenenina e! Ny tena mba diakona ambony ao @Fjkm iray eto andrenivohitra ihany asa aloha izay ho tohiny fa ny olona izao tena vao mahita mpitandro ny filaminana dia mivonto fo mhitsy ary mifampiandry mihitsy izay no hilazana azy e.

Nisy nanipy grenady indray ny trano fonenan'ny minisitra ny fitsarana fat-y vaky ny fitaratra noho ny fipoahana mafy. Fiara nirimorimo mafy no heno fa nanimpy io baomba io tao amin'ity tompon'andraikitra ambony ao @ fat-y ity. 

Nihemotra @ 28 aprily koa ilay fihaonana any afrika atsimo hiaonan'ny ankolafy 4 ka ho hita eo indray izay hanondrana @ izay ho tapakin'ny maro any.

Tapitra.

Ela ela tsy nahalaza vaovao satria dia difotry ny asa sy ny zava-mitranga ka tsy hita intsony izay ho soratana samy manana ny filazany koa moa ny mpilaza vaovao ka mila mailo sy malina hatrany rehefa mahita sy maheno ny vaovao etsy sy eroa ka aleo tsy mamafy lainga mihitsy aloha raha azo atao fa manjaka ny hono hono ka na dia irina mafy ho marina ary ilay izy hay hono ho ihany @ farany. Ireto indray ary ny vaovao azo atolotra ho anareo.

Eo @ raharaham-pirenena aloha dia milaza ny hanao dinika ambony latabatra atsy afrika atsimo ny mpifanandrina roa tonta "Ra8 sy ny Foza" ka mahavelom-bolo ny mpanaram-baovao izay ny datin'andro voatondro moa raha tsy misy indray ny hono hono dia @ asabotsy ho avy izao na ny 24 aprily ho avy izao izany atsy Jo/burg afrika atsimo no atao io dinika io. Voalaza ihany koa fa voahasa hanatrika ao koa ny filoha teo aloha Zafy sy Ratsiraka.

Maro moa ny mpomba ny Fat-y tsy mankasitraka ity dinika ity ka manakorotana sy manao izay ho hafany @ hanakanana izao dinika izao. Vokany mipoaka etsy eroa ny baomba nisongadina t@ ireny ny baomba nipoaka tetsy @ Total Tsiazotafo ny zoma lasa teo. Tsy hay intsony moa na baomba na grenady no nirefotra tao fa andian'olona nandeha tà scooter no nisy nahatsikaritra fa nanipy an'izany teo @ io toerana io. Nisy tokoa ny fahavoazana azy mikasa ny hamory mpanao gazety ny tompona tobin-dasantsy anio ka ho hita eo ny ho lazain'izireo.

Alina indray dia tratehaka ireo volaza fa nikonokonona hanongam-panjakana olona sivily sy miaramila eo @ 20 mahery eo no indray voarohirohy @ ity tranga iray ity. Ny mpanaram-baovao moa tonga dia mahatsikaritra fa sinema indray ity mitranga ity hanosoram-potaka ny mpitondra teo aloha ho tompon'antoka @ izao tetika izao??? Hoy ny maro oe filma efa nandeha io. Ary azo antoka fa hiteny ao @ fahitalavitra tsy ho ela indray i Andry Rajoelina hilaza fa tsy hidinika indray fa misy mikasa haka ny toearany!!! Mbola hono hono aloha izany hatreto fa tsy mbola ofisialy.

Vaovao tapatapany kosa dia misy andiana miaramila sy zandary manakan-dalana eny @ lalam-pirenena faha7 iny very ny fiara taxi-brousse ary voafatotra avokoa ireo mpandeha ka asain'ireto jiolahy mpitandro ny filaminana ireto  mamoaka ny vola sy firavaka any aminy. Tsy misy azo hianteherana intsony anie izany e! samy manao ny ataony daholo ny rehetra io dia ohatra nomen'ny Fis ihany io ka samy mba maka ny anjarany ny rehetra. Loza ity marina.

Niharan-doza tetsy @ route digue kosa ireo mpanao basikety avy any @ faritr'i boeny ka 10 lahy mpilalao no naratra mafy t@ izany ny roa moa no tena voalaza fa tena voa mafy tokoa ary eny @ toby ny hopitaly loterana etsy ambohibao. Voalaza fa vokatrin'ny fandehanana mafy no nahatonga ny loza.

Miditra @ andro ririnina tsikelikely ny toetr'andro eto Dago ankehitriny na dia mibalika ary ny masoandro dia mamely ny tokoa ny gripa sy ny tazo ankehitriny satria mivadibadika be ny andro ka sahirana ny mpitaiza kely ary anisan'izany ny tena!!! lol

Farany nefa tsy kely indrindra dia ny mety fihaonan'ny mpikambana eo @ ffkm indray hanao valan-dresaka amin'ny mpanao gazety @ ity herin'andro ity. Hisy vavaka izay atao moa ny alahady 25 aprily ho avy izao etsy @ fjkm Andrainarivo manomboka @ 3 ora hariva vavaka hifamelana heloka moa no atao @ izay.

Tapitra