[Politika ] 29 Janoary, 2009 11:16

Araka ny siho dresaka dia miteny indray ny Ben'ny tanana oe misy mitady haka ny vola ao @ banky foibe ankehitriny ka hanao andrimasom-pokonolona. Mety hitarika ny vahoaka izy hiakatra eny @ asabotsy ka handromba sy hanimba eny Antaninarena indray ny jiolahimboto. Raha sanatria ka marina ity tsaho ity dia mba miangavy aho mba aparitaka haingana ity lahatsoratra ity. Taomy ihany koa ny olona tsy ho eny @ 13 mai @ asabotsy mba hisorohona ny rà mandrika.

mahagaga tokoa ny azon'ny ben'ny tanàna manana mpiambina milanja basy? Raha nahamarika koa ny rehetranijery tv plus dia nisy tanora nisaron-tava izay nitondra basy!!! nialoha ny lalàna t@ le ho any @ mbs ny mpilahatra. Misy mikotrika rà mandrika mihitsy eto ka mila mitandrina ny rehetra @ izany.

Ry zala ireto hono no tena hahazo tombony @ izao krizy izao hoy ny maro.

 

(sary nalaiko tao @ foko)

Io izany no Chef de Gare micommande ilay TGV!!! Enga anie mba hi-derailler ity tantara ity fa tsy ho tody any @ gara intsony. Tapaho daholo ny tetezana rehetra mbola handalovana sao ho loza

Jereo koa eto

[Politika ] 29 Janoary, 2009 06:32

Marina mihitsy ity antso antso ity ary hitovizako hevitra @ tokinao sy hery ka ho fandraisako anjara dia mba miantso ihany koa aho eto oe Sambory sy gadrao i Andry Rajoelina. Tompon'andraikitra izy @ izao korontana misy eto Madagasikara satria nanaiky ny hiaraka tsikombakomba t@ maizina tsy tia malagasy mpiray tanindrazana @ aiza ve ka ny fananam-panjakana raitra indrindra eto @ ranomasim-be indiana dia tsy mba sakananao akory ireo olona entinao manimba azy!!!

Mitarika ny zanaka malagasy tsy HIANATRA izy ny zanany anefa mianatra tsara aty an-dafy!!! Mitarika ny olona hilahatra sy haka ny fanjakana eny an-dalambe kanefa midradradra ny oe demokrasia!!! Mitarika ny zanaka malagasy atao sorona kanefa navelany irery tsy nisy mpiahy ireo mpilahatra nanafika sy handromba ny mbs.

Mahay mandainga tokoa izy @ resaka serasera ary toa ohatrany marina avokoa izay lazainy kanefa rehefa tena mandinika sy mamerina mampitovy ny zavatra nolazainy dia tsy misy miady ny resaka fa mifanipaka. Tompon'antoka TANTERAKA @ izao zavatra simba sy rava izao izy ary efa voasotra ao @ tantara ny firenena ho mandrakizay ny zava-doza nataon'ity zalahy ity.

Jereo koa eto 

 

[Politika ] 28 Janoary, 2009 14:47

Dadany raha hanao resaka serasera ry zareo mpitarika vahoaka eto @ 13 mai ireto ka. Samy nahita ny tenin'ny ben'ny tanana ny malagasy rehetra nanao oe: "Tsofiko rano ianareo raha ho any @ mbs fa izaho kosa hiverina eny @ 13 mai mba tsy afahana misambotra ahy"

  (sary avylavitra ireo fa azo sambom-belona ny mpandroba)

Eto izay dia fantany oe hiom-pefy ity tantara ity ka nahoana no nilaozana ary ny vahoaka avela andeha irery efa fantatra oe hisy hitifitra any. Naninona no tsy nanarina ireo mpilahatra nandoro ny Rnm sy ny Tvm kanefa fantatra izao fa fananam-panjakana ireo. Za aloha tsy mbola naheno ny ben'ny tanàna na indray mandeha oe malahelo izy noho ny fahasimbana nisy teo @ ireo haino amanjerim-panjakana ireo e?

  (sary avylavitra)

Fa nony nisy kosa ny maty dia io fa hitomanina etsy @ 13 mai ilay razana. Mahagaga ihany ny fialana andraikitra ataon'ilay nitarika. Manarak' izay dia tapany fa hatao tanana maty hono eto Antananarivo rahampitso? nihena be mihitsy mantsy ny mpanaradia ny tolona ankehitriny. Ka aleo @ asabotsy indray no mifampitaona. Fa ity no fanontanina tiako ampetraka oe vahoaka iza moa no naniry ilay tetezamita? sao dia mba olona tokana ao ambadika no lazaina fa vahoaka. Asa ny olona no aoka hitsara.

  (sary avylavitra)

Manarak'izay dia milaza izy(Andry TGV) oe tsy tompon'antoka @ izao korontana izao i Rolland Ratsiraka ary narovany fatratra teo @ 13 mai androany. Nony nanotanina t@ tv plus anefa itsy farany dia nilaza mazava izy fa "tsy izaho no nitarika olona nidina teny @ 13 mai". Miala pà ny anao lahy ary manipy ny baolina eny atsorok'ilay ben'ny tanana izay tena hita mihitsy oe voabaiko sy voafehin'ireo mpiaradia aminy.

Etsy andaniny kosa anefa dia tonga nitsidika ny rnm sy ny tvm tetsy anosy ny Filoha Ravalomanana ary nanome toky fa amboarina haingana ny simba ary nisy mihitsy moa ireo mpiasa tao no nitomany nigogogogo. Ary aloha ihany koa ny karama na may aza ny bon de caisse. Tehaka nirefodrefotra no azony teo ary nanome toky ny olona vory nanodidina azy teo fa hanampy azy @ izay! Avy eo izy niazo an'Iavoloha.

Efa manao andrana ara-tekinika ny tvm ankehitriny ary efa mandeha ihany koa ny radio viva. Tsy voaresaka intsony kosa anefa ny resaka fifampidinihana. Ny loza dia ity MANDAINGA BE MIHITSY I TGV FA ANOTAN'ireo mpanao gazety vahiny milaza mantsy izy fa tsy mety hifampidinika aminy hono ny filoha??? nefa izy no mametraka fepetra be sy ady varotra be. Izany ve no hitondra ny TETEZAMITA Tapaka ho azy eo.

Jereo koa eto

[Politika ] 27 Janoary, 2009 17:17

Dia mbola miaina ao anatin'ny tebiteby ny vahoaka tsy madady arona ankehitriny. Mandray ny andraikiny kosa anefa ny fanjakana ka norotsaka ny EMMO NAT ary tsy azo atao ny mivorivory na mandeha mihoatra ny @ 9 ora alina.

Mandeha ny tsaho oe i Andry rajoelina no namoaka ireo miaramila ireo!!! Raha marina tokoa izany enga anie ka ho diso aho dia efa naman'ny mangorona entana ny fitondrana Ravalomanana. Ny RDB kosa anefa dia namoaka ny tenin'ny Filoha ary nanome baiko ny mpitandro ny filaminana @ izay ary tsy misy mahazo milahatra intsony manomboka eto. Ho hita eo raha mbola sahy hidina etsy @ 13 mai ihany ireo jiolahimboto mpandroba ireo.

Ny any @ faritra aloha ny vaovao henoko farany dia tapitra nodorana sy norobaina avokoa ireo tranombarotra magro. Hiampy indray izay ny mpisom! noho ny tsy fisainana kely fontsiny sy ny ambom-po diso toerana. Tapitra hatreo koa ny resaka fifampidinihina izany. Be kaomandy laotra mantsy ilay ben'ny tanana fa oe nahazaka jiolamboto mpandromba ka manao ramatahora eran'ny madagasikara.

Jereo koa eto

[Politika ] 27 Janoary, 2009 09:05

Mangidy ny rora ary manakifin-doha ny sasany mijery ireto zatovo miandahy miambavy mitaona ny entana norobaina teny @ tranombarotra vaky teto an-drenivohitra. Fa loza inona re ity nataon'ny zanak'Antananarivo ity e. Tsy tahotra tsy henatra fa dia miseho mazava eny izy rehetra milanja izay voaray ny tanana. Dia lasa fanjakan'ny baroa tokoa ny tanana. Efa madiva hilentika eto ny masoandro tsy misy mandeha intsony ny fahitalavitra ary radio vitsy sisa no heno.

  (namoatsapona le zalahy ity)

Gina sy mangasihasy ny rehetra ary nilatsaham-panenenana izay toa mandatsa ihany ankehitriny manao oe "Tahak'izay" izay mitovy @ tsy misy ihany. Tsy voafehin'ilay amboadia mitafy hodin-janak'ondry ireto olona notaritiny izay tena nihaom-pefy mihitsy mandromba sy mamaky trano etsy sy eroa nasesiny avokoa nanomboka teny @ CITIC sy supreme Center etsy behoririka ny magazay courts niampy ny Naza electronic sy ny shoprite Analakely ny vakitrano. Simba ny tanàna manjaka ny asan-devoly. Miraviravy tanana ny vahoaka tsy hita izay hiatorahana. Ny miaramila rahateo tsy nahavita niaro akory ireto vahoaka.

  (sary ravatorano)

Ny radio ara-pilazantsara iray Vaovao Mahasoa izay isaorana eto noho ny fitondrana am-bavaka ny firenena tsy akin-janona ny vavaka nasandratra avo dia avo. Manondro @ 9 ora alina latsaka folo ny ora no niditra mivantana tao @ Radio ny Praiminisitra izay hita ho feno feno tokoa ary voton-dranomaso miantso ny vahoaka ho tony ary efa miroso @ fampindinihina ny roa tonta. Velom-panantenana teo ny rehetra oe hifarana @ izay angamba izao fitaitainana izao. Fotoana fohy avy eo anefa dia namaly indray ny ben'ny tanana avy eo manao oe tsy marina velively izany. Tankina ny tena naheno oe ary manotany tena tokoa oe ankasitrany ary ve izao zavatra mitranga izao? 

  (sary ravatorano)

Manondro @ 12 ora sy sasany alina ny ora no naneno ny finday-ko antso avy any @ havana ihany ilay izay mampilaza manao oe misy manampoizina ny rano ary zatovolahy miisa 5 no mandromba sy mamaky trano eny @ 67 Ha rehetra iny. Miantso vonjy ireo traboina kanefa tsy nisy afaka namonjy ary maromaro mihitsy ny olona tapaka lalan-drà oe noho ny fitaitainana teny @ iny faritra iny. Efa poa basy tsy misy hifandrenesana eto Analakely hoy izy ary mijoalajoala efa ho 7 metatra ny afo eo @ Naza electronic. Manao izay ho afany ny mpitandro ny filaminana mandamina.

Asa izay any gaza sy bagdad any fa tena mandry tsy lavo loha arabakiteny ny tena ity tsy mahita tory mihanohaino oe inona indray no hitranga avy eo. Soa fa nisy ilay fahitalavitra LTV iny teo azo nojerena nandefa hiram-pivavahana. Mavaivay tokoa ny fitsapana nahazo ny zanak'Antananarivo ka noho izay angamba no nahatonga ity hafatra fohy SMS ity tonga aty amiko dia ny oe "ronjom-bavaka atao manomboka @ 9 ora ary ao @ Daniela 9:4-19".

vao mangiran-dratsy dia efa taitra sahady ny tena ary somary mangina ny tanana heno rahateo koa fa aato aloa ilay fihaonana etsy @ 13 mai izay notarihin'ny amboadia mitafy hodin-janak'ondry izay milaza fa tsy hanakorotana sy hilamina tsara kanefa dia mibolila mandromba etsy sy eroa. ary hita sy kinendry ihany ilay izy hatr@ voalohany oe korotana sy rotaka no kobonona mampatsiahy ny andro fahiny rehefa resy ny club M de vaky ny vetmad sy ny bata tsy hiteny aho oe t@ andron'iza no nisy an'izany.

Ny tena moa dia niezaka hatrany mba nandajalanja ary miezaka hatrany mba hanana ny fijery marolafy ka namoaka lahatsoratra indraindray mety hifandiso @ fijerinao mamaky kanefa zontsika ny miady hevitra hatrany mba hirosona any @ tsaratsara kokoa. @ 6 ora sasany maraina ny andro ary navadika any @ marin-drefy ny RDB ny radio ka indro nifandimby niteny tao ny ben'ny tanana ny PM ary farany ny Prezida Ravalomanana izay samy miantso ny olona ho tony sy mba hifampidinika. Manomboka eto kosa dia ho vasoka @ izay tena fanetribe ny firenena.

Re koa izao fa manomboka ny fandrombana any mahajanga. Mazava ho azy fa avy @ ny tgv sy ny ekipany no fototry ny korotana rehetra kanefa dia mbola sahy manadio tena ihany ny ben'ny tanana na dia tsy ho afaka @ ny andraikitra nitarihiny ireo olona marobe miampy ny jiolahimboto nokaramain'ny antoko ny fitondrana teo aloha. Adala ihany Antananarivo mandrora ny azy ka izao no alehany. Ilaharana sahady ny menaka ny vary moa va tsy efa fahita t@ andron'ny amiraly izany.

Jereo koa eto

«Mialoha   1 2 3 4 5 6 7 8 9 10 11  Manaraka»