[Politika ] 19 Janoary, 2009 11:49

Malaza @ politika bontolo ny afrikanina ary lasa zary fihomehezana ho an'ny firenena mandroso. Nigagana ny Ganeana raha nahafidy filoham-pirenena t@ alalan'ny fifidianana ary nahay nipetraka sy nanaiky resy ny mpitondra resy t@ izany. Hanatra ho an'ny firenena afrikaina hafa iny. Mbola tsy ho @ izay anefa raha ny eto Madagasikara manokana no lazaina.

Raha ireny hamaron'ny olona t@ asabotsy ireny ohatra no tsy hampihetsim-bolomaso ireo mpitondra dia efa mitady raharaha hafa mihitsy izy. Ny RFI mantsy izao dia tena loharanom-baovao matanjaka mamoaka izany any ivelany any ary manakaiky ny marina lavitra aza ny vaovao avoakany noho ny mihaino ny tvm sy ny rnm ny tena indrisy mbola sy zaka ilay demokrasia e. Aiza ve ko ny RFI no henoina raha hiaino vaovao eto Madagasikara enao zavatra tsy tokony hitranga akory. Nisy namana mantsy any @ faritra any dia milaza fa tsy maharaka vaovao mihitsy izy fa @ rfi no mba mihaino. Aza maika ianareo ry rfi fa atsy ho atsy nareo dia hagorona entana indray.

Hadisona voalohany amiko ny tsy famelana ny olona hahalala ny vaovao misy marina. Manjaka arak'izay ny hono hono sy ny tsaho izay tena talentan-dramalagasy ihany koa. Loharanom-baovao iray mantsy no mba fihainon'ireo mpakasitraka sy ny mpanohana dia ny viva radio sy ny mbs. Dia samy manamboatra ny vaovaony araka ny mety aminy eo. Mazava ho azy fa ho diso ny fomba fijery avy eo.

Hadisona manaraka dia ny tsy firaharahina ny hafa izany. Tsy misy alaroalaro fa izay tina ihany no tsy maintsy ataon'ny hafa. Firifiry moa ireo mpitondra misonoka @ harem-be @ izao fotoana izao kanefa nivelirano ery tery @ 13mai t@ fotoanandro oe hanao ny mangarahara sy hitandro ny fahamarinana sy ny fahamasinana.

Hadisona fahatelo dia tsy fanekena ny zavamisy marina. tsy inona izany fa mihena ny fitiavan'ny olona an'i ra8 ankehitriny indrindra ny eto Antananarivo izany. Dia ho faizina ary ve izy ireo satria tsy tia anao intsony. Avereno ny delestazy asondroty ny menaka sy ny sisa...

Hadisona Fahaefatra manaraka dia ny fanaovana ny fiangonana ho fitaovana politika. Tsy azo lavina mantsy fa tokony hijanona ho elanelam-panahy izy ireo ka afaka anatonana rehefa misy ny tsy mety. Ny zavamisy ankehitriny anefa dia voabaiko izy ireo hanaraka ny firehan'ny mpitondra.

Hadisona fahadimy dia ny fanagadrana olona tsy mitovy hevitra @ tena. Tsy misy falalahana izany ho an'ny mpitsara fa tsy maintsy mamorona dossier ho an'izay olona tina ho gadraina. Loza anie izany re olona e!!! Mety alaim-panahy izao ianareompamaky hilaza fa pro-TGV za! Tsy izay loatra fa mba tia mamakafaka ny zavamisy aho ary tsy maintsy mba mamoaka izay ato andohako ato.

Hadisona fahaenina dia ny fanaganana fahavalo ho an'ny tena. Maro ny olona nailika fotsiny izao toy ny tsy niara nitolona sy niaritra ny mafy ery teny @ 13mai lazaina izy ireo fa mpanao politika efa retirety sy sisa kanefa dia natsoina rehefa mila vonjy toy ny t@ 17 desambra lasa teo ohatra. Maro tokoa ireo antoko sy fikambanana nailika noho ny tsy fitoviam-pijery ka mazava ho azy fa mihena izany ny olona manohana fa ireo tena mpisolelaka sy mahita ranon-dranony sisa no manompo ao.

Hadisona fito izay tsy farany akory fa mbola maro ireo fahotana mahafaty vita dia ny fitiavan-karena diso tafahoatra. Tsy vitsy ny mahalala ankehitriny fa mpanao bizina gravy be ity fitondrana @ izao ity. Ary indraindray dia manampatra fahefana mihitsy mba azoana ilay harena. Ka na iza na iza manakatsakana eo dia any amponja izay.

Raha akapoka izany dia makany @ jadona izao fanjakana izao. Ny fanotaniana mipetraka dia ity mety hahay hanova famindra ve?

Ny vaovao hafa kosa dia nirodana ilay lampihazo eny Andohalo izay vao notokanana ka lasa nihodina resaka politika ilay izy ny ankilany milaza fa zara fa vita ny andaniny milaza fa nosimbaina ilay izy. Ny azo antoka aloha dia nisy naratra t@ ity loza ity ary efa nidodododo nanome fanampina any ny fanjakana foibe.

Mandry tsy lavoloha ny olona ankehitriny ary matahotra korotana mafy ka na olona manao vazivazy ratsy aza dia efa manakorotana tsena iray manontolo. Tranga hita sy niseho ity t@ asabotsy lasa teo. Mbola betsaka ny tiana ambara fa aleo indray @ manaraka.

JEREO KOA ETO

[Politika ] 17 Janoary, 2009 15:31

Nisy namaky teny Ambohimitsimbona ny emetteur Viva TV miaramila morongo basy no naka izany ankerina araka ny vaovao vao azoko izao! Mitohy izany ny gidragidra fa tsy misy hanaiky resy eo. Manomboka ny andrimasom-pokonolona miaro ny viva radio etsy ambodivona.

Toa filma efa nandeha izany raha ny fijeriko azy. Tapaka foana ny jiro eto Antananarivo ary misy baiko midina avy any ambony mihitsy no manao izany mba tsy afahan'ny manaraka vaovao. Manomboka mikorapaka ny mpitondra @ akapobeny.

Araka ny sary vitsivitsy nalain'ny namana avylavitra dia anjaratsika ny mitsara na nahazaka olona ity hetsika ity na tsia:

 

 (sary avy lavitra t@ 3ora latsaka folo)

 

Marihina fa mbola somary maraindraina ny namana dia efa nanomboka naka ny sary! na izany aza dia nokasaina atomboka t@ 10 ny lanonana kanefa dia mbola vitsy ny olona tonga t@ 9:30 maraina. Mbola hikaroka sary etsy sy eroa aho afahana mandaja tsara ny zava nisy marina.

(sary avylavitra)

Misy mantsy ny olona sasany nilaza fa vorilanina ny olona tao ary nifanitsakitro tokoa ka tanteriko eo ihany raha vao mahazo fanampim-baovao aho.

(sary avylavitra)

Miteny ho azy ny ora etsy ambany oe mety ho feno ihany ny kianja angamba any @ 12 ora any! lol

(sary avylavitra)

Marihiko fa raha ny filazan'ny radio antsiva sy ny viva dia hipoka ity kianja ity nanomboka tany @ 11 ora tany ho any izany oe mbola adin'ny iray mialoha izany dia efa toy izao sahady ny olona namandrika toerana. 

(sary avylavitra)

toy izao kosa ny hamaron'ny olona tany @ 10:30 tany ho any

(sary avylavira)

 

 

 

 

 
 
 

 
 

 

 

 

 

 

 

 

 Fehiny dia nahazaka olona ilay TGV kay!

Esory ny minisitra 2 Minisitrin'ny vola sy ny Minisitrin'ny fanajarina ny tany!!!

Esory ny MBS sy ny sisa 

Tsy ekena ny jadona etsetra etsetra....

Hoy ireo vahoaka be manaraka ato afara.

@ Asabotsy indray mifankahita hoy ny ben'ny tanana

JEREO KOA ETO

 

[Politika ] 16 Janoary, 2009 09:15

Avelao izy (VAHOAKA) hanao izay tiny fa aza raràna @ izany. Krizy lehibe voalohany ho an'ny mpitondra ankehitriny ity fifanolanana misy eo @ sy ny cua ity. Mandeha mantsy ankehitriny ny tsaho isan-karazany oe efa karamaina any ho any ireo mpanakorotana ilay fitokanana ny kianja ny demokrasia.

 

 (sary gazetyavilavitra)

 

Ny prefet de police koa dia nanipy ny arotanana ka nilaza fa tsy mahatapa-kevitra @ izay andraikitra tokony ho raisina. Tokony tsy ho adinoina tokoa mantsy fa ny vahoaka no andriamanjaka hono raha ny demokrasia no resahana. Koa raha hitany oe fotoana tokony hanehona hevitra izao na koa hilaharana dia aza raràna izy. Ampirimo tsara any andakazery ny maramila sy ny basy fa aza alefa eny Ambohijatovo ry mpitondra hajaina indrindra. Mba fiangavina ihany ny ahy io fa izay fanampahan-kevitra raisinareo eo kosa dia anareo samirery izany. Tsarovy tsara fa tsy voavidy vola ny rà latsaka na izy io na izy samy malagasy isika ary samy merina ihany koa!!! tsy tokony hisaritaka.

Marina mihitsy mantsy fa mety hanomboka rahampitso ny faharavan'izao fitondrana izao raha tsy mahay mitandrina izy ireo @ famonoana vahoaka. Avelao jerena oe raha mahazaka olona fa na 100 no ho avy eo na 1.000 na 100.000 na firy na firy dia heviny io samy manana ny fomba fijeriny foana fa tsy voatery hitovy amin'ny anao akory. Izany rahateo ny demokrasia. Fahendrena ny mamela ireo olona mpiantana ao @ CUA ireo haneho hevitra ankalalahana tsy misy herisetra. @ izay fotoana izay mantsy ho hitan'ny havany eo ihany izay tena mbola tiny vahoaka.

 

(sary lexpressmada 16/01/09)

 

Koa raha tanin'ity ka hita fa mahazaka olona izy (CUA) dia aleo manaiky ny teniny mamaha ny olana an-databatra boribory ary manao fifanarahana ampilaminana raha mbola tinareo ny hijanona eo @ fitondrana. Raha ohatra kosa ka hita oe tsy nahazaka olona dia aza rabirabina na hihebohebo indray oe mbola manjaka tokana izahay ka hanao izay danin-kibony ihany dia ataovy toy ny hanatra ihany. Ho anareo eo anivon'ny CUA kosa dia avadio im-pito foana aloha ny lela vao manampan-kevitra fa aza maika maika hanao zavatra tsy ampieverana @ manaraka.

Aleo mihitsy ampianariko eto ireto raiamandreny sy zanaka ireto fa tsy mahay mandamina ny raharaha tokatranony akory. Enga anie ka hahay hanaja ny hafa ny tsirairay indrindra milaza fa mpandala ny demokrasia io.

JEREO KOA ETO

[Politika ] 15 Janoary, 2009 08:57

Ity fitondrana entin'Ingahy Ravalomanana Marc ity dia fanjakana nalaina teny an-dalambe na tiny izany na tsy tiny. Izy no nitaona olona handika lalàna nitarika olona ho tapahana tongotra sy hiady @ miaramila sy ny GIR t@ taona 2002 tsy tokony hadinoana ny tantàra. Noreseny lahatra ny vahoaka t@ izany oe arovy ny safidim-bahoaka dia io fa revo tao daholo ny vahoaka malagasy izay efa leo ny mpitondra t@ izany. Ny vahoaka no niaro ny tranony ny fananany ny ainy koa aza raha ilaina izany dia sahin'ny vahoaka ny niaro azy andro aman'alina. Avy eo izy dia nanadran-tena ho filoham-pirenena ny 22 febroary 2002 izay tena azo lazaina oe fanoganam-panjakana mihitsy no nataony teo. Mandala ny demokrasia hono izy t@ izany andro izany.

VS

Etsy andaniny dia toa te hanaraka ny làlana nosoritan'itsy lazain'ny maro oe raiamandreny itsy kosa Ingahy Andry Rajoelina ka hitarika vahoaka atao sorona (efa fantany tsinona fa tsy maintsy hidrikina ny ankilany) izy ary hitokana izany oe kianjan'ny demokrasia izao ny asabotsy 17 janoary 2009. Ie toa marina ihany ilay tenenin'i deba oe: "Ny tody tsy misy fa ny atao no miverina". Ny misitery dia ny oe hiaro azy ve ny vahoaka izay efa leo ihany koa ity fitondrana ra8 ity tsy azo lavina izany. Hahay hitarika olona ve ity bandy kely ity sa tsia? Ho hita eo ny tohiny @ asabotsy.

Amiko dia mila miresaka ny roa tonta fa tsy tokony hanao be loha ohatran'io!!! Inona moa ny zavatra tsy vita @ fifampiresahana e? Ary na manana ny marina aza ny iray @ izy roa tonta dia tokony mba hahay hihaino ny hafa. Eny fa na dia manana ny herim-pamoretana sy ny fahefana feno aza ny mpitondra tsy tokony hanome lamosina ny ben'ny tanana toy izany koa ny ben'ny tanana na mahatsiaro ho voaporitra aza dia tokony mba nangataka fihaonana t@ mpitondra ihany ary io no tokony narangaranga hatrany. Rehefa tsy nety izay dia naka mpanelanelana aloha eo ny FFKM na ireo raiamandreny hafa afaka hanao izany. Farany dia farany vao miantso vonjy @ vahoaka @ izay. Eo mantsy dia mandry kokoa ny saina oe efa vita ny dingana rehetraka afaka mandray fanampahan-kevitra mifanojo @ ilay tiany vahoaka.

Io na inona na inona ny mety hitranga eo dia tsy azo hiverenana intsony ny tantara. Samy ho tompon'andraikitra eo daholo isika rehetra.

JEREO koa eto

[Politika ] 22 Desambra, 2008 15:59

Mbola tsaho ihany koa ity oe may indray koa hono ilay hotely tsara tarehy eny Ivato!!! Ny fahamarinany aloha dia rahariva vao mety tena ho fantatro. Ô leretsy e! Tsy mba mendrika hanana zavatra tsara mihitsy izany isika eto Madagasikara eto ka! dory daholo izay hitanareo mbola tsara eto. Tena fisainana mirefarefa @ tany mihitsy ka. Misy ambadika pôlitika io satria ny fivorim-be mihitsy no tian'ny sasany tsy hisy! Lozan'izay iavin'ny fanafitohinana.

Voalazan'ilay loharanom-baovao azoko teo ary fa tombanana any @ 70% any ho any hono ny fahavoazana ao @ ity hotely ity. Nanamafy anefa ny sinoa izay miantoka ny asa fa ho vitainy ara-potoana ihany io hotely io. Dia anjaran'iza indray ny manaraka satria efa may daholo na Andafiavaratra na ny Lapan'ny tanana na ny Rova ny manjakamiadana... Mila mailo ihany ary tokony hifandefitra hatrany ary tandrovana ny fananana fa tsy atao ohatr'izao.

Vaovao farany, dia tsy nisy nandoro akory ilay hotely fa nisy court circuit tao @ rihina faharoa izay misy kidoro sy hazo ary baoritra izay fantatra tsara fa zavatra mora mirehitra tokoa ka io no nampihitatra haingana ilay afo. Manaraka izany dia hita sahady ny lesoka @ ity hotely ity izany fa raha misy tokoa ny loza any aorina dia hirarakopana ny aina hafoy satria mbola tsy arifomba isika @ loza toy itony. Mila jerena akaiky koa ny momba an'iny.

Jereo koa eo

«Mialoha   1 2 3 4 5 6 7 8 9 10 11  Manaraka»