[Politika ] 16 Martsa, 2011 10:20

Inona ny vaovao ao? Tsy misy e! ny Teo Ihany no Miverina. Ny malok'ila 1 ihany no malok'ila 1. LOL

Tsy iza ny PM vaovao fa mbola i Vital ihany no hisolo an'i Vital. Tsy hisy RI "reconnaissance internationale" izany eo na andeha ambakin'ny loha aza satria mbola ny eo ihany no eo tsy misy fisokafana na @ iza na @ iza io. "Wait & See" sisa sa ahn?

Filma efa nande kosa hoy ny sasany. Nisy nanantena fiovana ihany anefa ny olona sasany fa raha za kosa aloha de efa nampoiziko mihitsy io oe ny eo ihany no eo ary mety hitohy 20 taona ity tetezamita ity raha izao no mitohy. LOL

Tapitra

reconnaissance internationale

[Politika ] 09 Novambra, 2010 07:04

Tena tia tanindrazana ve isika ireto sa tsia? Atomboko amin'ireo miseho sy milaza fa mpitondra ireo ka hatramin'ny valala bemandry. Nahoana moa aho no sahy manotany an'io fanotaniana io. Ny valiny dia tsotra be tsy misy tia tanindrazana eto fa samy tia vola sy tia voninahitra daholo. Nifanenjika sy nanosom-potaka ny teo aloha fotsiny milaza fa mivarotra tanindrazana sy mibizina ho azy manokana fotsiny, ny mpitondra amin'izao kay izy mihitsy no mpitarim-bato vilam-bava be. Voarohirohy amin'ny resaka andramena sy ny karazany tsy hotanisaiko eto...

Nahoana no teriterena ireo mpandraraha tsy maintsy hivarotra entana ao @ Tsena Mora Vidy sy ny mpivarotra hampitovy vidy amin'ny entana varotana ao @ TMV izany ve tsy fanambotrina ny mpivarotra hivarotra fatiantoka sa mila doka amin'ny mpifidy oe mihena ny vidiny entana. TSIA tsy izay no tokony ho izy avelao alalaka ny sehatra aza terena ny olona fa aleo izy hanao izay tiny tsy voatery aho hifidy @ 17 novambra izay tiko ihany io fa aza mba mifanorisory mihitsy.

Nisy teto izany oe tsy maintsy Arema vao tafiditra mpiasam-panjakana nolalovana teto zany oe fitondrana tsy misy afa tsy UNDD sy TIM izany. Nitondra antsika nakaiza anefa ireny mpitondra nifandimby ireny. Ny tsirairay no hitsara ary mahalala ny rehetra oe iza no tena nahavita azy hatramin'izay.

Nahoana moa no mpitondra ambony no milaza oe "rehefa mila ahy dia mimpingampinga miantso hampiditra ny havany ho polisy tamin'ny fifaninana hiditra ho polisy..." F'nga izy tia zany dia resaka fahalalana olona foana vao tafiditra hiasa @ fanjakana e! Aiza moa ny mpitandro ny filaminana no tsy hanao izao zavatra mamoafady izao manongam-panjakana sy tsy mahalala ny ambaratongam-pahefana fa sahy tsy manaraka baiko sy ny sisa... Gaga aho raha handroso ity Madagasikara ity raha mbola izany no hanjaka eto ny mahitahita ihany no ho tafiditra hiasa kanefa maro be ireo zanam-bahoaka mahay sy miafy amin'ny fianarana ary milofo mba hifaninana @ ireny fifaninana maro misy eo @ fanjakana ireny kay very maina foana izany fikirizana izany fa misy lalana ambany ny tany aty @ sisiny mibosesika sy maka ireo toerana. Tena tsy mamely mihitsy...

Maro be ny teny sy resaka tiana ambara fa aleo faranana eto aloha fa mamonamonaina fotsiny ny hitanisa azy eto satria tsy mba misy zavatra tsara mihitsy fa ny lesoka no feno sy hita h@ izay 50 taona nahazona ny fahaleovan-tena izay. Miandry ny 50 taona manaraka hivarinana any akady bebe kokoa indray isika izao fa mbola tsy ampy le 50 taona lasa teo iny.

Tapitra

News2Dago 09 Novambra 2010 

Jereo koa eto 

 

[Politika ] 25 Oktobra, 2010 07:46

Inona ny malaza? Tsy misy, ary ny vaovao? Mbola tsy misy koa!!! Dia inona ihany ary zany. Vola kakafotra e! ny omaly tsy miova ny FATy ihany no mbola faty... 

Alatsinainy indray ity ny andro mangingina ny eto @ tanana ka manorisory aleo ihany le misy sakoroka be ireny mba misy action e! de mba betsaka ny twitter sy ny vaovao miely eto @ nety eto fa tsy maina be ohatr'izao. Ny vedety aloha hatreto dia ity nahazo ny delegasioana malagasy tany Montreux Soisa ity. Ndray tsy misy baraka afaka izany intsony re olona fa dia natsongoloky ny olona ny anaran'i Madagasikara a. Ny nahazo tany aloha tsy haiko fa za tsy nanatry maso fa ny tatitra sy video miely @ aterineto dia efa miteny ho azy ny sary fa tsy misy mankasitraka izao fitondrana halatra izao ny rehetra na koa mety paika ihany koa io ho any vondrona miteny frantsay mba maka 19 @ rehetra izy e. Asa aloha fa za vahiny eee

Zay ny amin'iny aloha fa hiverina kely @ ty resaka Tsena mora ity indray a. Tsy mbola nahita mpivarotra misy an'ireo entana mora vidy be ireo mihitsy a hatreto mba nitady ihany tety amin'ny manodidina fa eeee tsy nisy e! Fika be indray ity oa angamba toy ny mahazatra ihany. Ny tena marina dia tsy misy mety mampanofa trano ho an'ilay varotra ny olona mety maro ny antony mahatonga izany matahotra sao hivadihiny ny vahoaka eo ka ho may eo ny trano rehefa raikitra ny sakoroka io moa efa fomba fiady indray ity mandorodoro fanananolona ity ka tsy mahagaga raha mailo ny olona ny fiangonana aza misy mandoro nefa tranon'Andriamanitra ko maika fa izay tranon'olona io ve hisy vidiny @ ze mpisotasota. Mbay tany ry anona aaa!!! Vao kobon'ny olona fotsiny ilay revy miainga oe avy @ fitondrana dia miala pa ny olona vokany sahirana ny vaomiera sosialy ao @ fitondrana mitady fivarotana. Dia mbola tsy tonga saina ihany ry zala.

Ny afisy ny fifidianana moa dia hanazana lamba fotsiny ary izay mipetraka eo dia rovitra avy hatrany manginy fotsiny ny ompa sy ny hogahoga mahazo ireo mpanao fampielezan-kevitra. Tsy mbola tonga saina ihany!!! Asa ihany izy ity fa dia kely finona a raha mba hisy tokotanoniny ity fifidianana ity na ho vita ary io dia angamba 2% ny olona hifidy eo. Tsy rarahiny eee! Ny azy ny revy mandeha foana. Miandry ny kapoaka ho feno indray izany sisa e! ny mahagaga a dia tsy mety feno mihitsy ilay kapaoka na dia efa ho 2 taona mahery ary. Mety misy goaka koa angamba ilay izy dia tsy mety feno ko. TPT

Etsy andaniny dia miakamidina ohatra ny lelon-jaza ny mpanaraka ny movansa 3 asa angaha oe inona no anton'izay? betika izy bobaka be mila tsy ho omby mihitsy ny kianja ny magro indraindray kosa anefa tena vitsy kely mampite hiteny oe hajanony @ izay io fa lany andro eo nareo! TPT Ny tena marina dia miandry zavatra ny vahoaka ireo mpitarika rahateo tsy mena mivadika izany androany mafana fo be rahampitso anefa lasa eny Tsimbazaza ko inona ihany kosa ary izany e, lasa fitadiavan-tseza sisa ilay izy fa tsy ny hitady ny ara-dalàna intsony. Jereo tokoa anie fa izay nivadika rehetra ohatra ny tsara toerana daholo ao @ le FAty e. Ny vahoaka @ izay very fanahy mbola velona toy ny vahoaka tsy misy mpiahy izany. hany ery ka raha vao misy zavatra mitranga dia mirohotra ny olona toy ny fitsenana ny Tantely teny Ivato dia mbola ho avy koa i Deba dia jereo tsara fa olona tsy olona koa ny hitsena azy eny.

Tapitra

News2dago 25 Okobra 2010

Tsindrio eto 

 

 

[Politika ] 16 Oktobra, 2010 14:33

Atao daholo izao fika rehetra izao fa tsisy rototra ny pokona e! aleo ihany mitady vola sy mitady izay ho arapakin'ny vava aloha. Za zao oh tsy kôpy na inona na inona momba ity fifidianana aferan-daomy ity sa aferana doma ity no marina kokoa e! TPT Ny dobla enina rahateo efa natelin'i rajoelina any aminy any koa tsy efa fanatra ve ny valiny oe lany ny eni na tsy ampy isa ary ny eo ambony latabatra e.

Gaga koa a naheno sy nahita oe toa nitalakotrokotroka hono ny nitsenana an'i Tantely teny Ivato zao!!! De ho avy tsy ho ela koa oe ilay raikalahy taloha ka asa koa izay ho afitsony eo na inona no tena ketrika tina atongavana amin'izany fiditra vedety izany na inona.

Ny vaovao eto @ tanana moa dia tsy de misy firy fa makafoka daholo ny olona @ setroka doron-tanety maizain'ny setroka ny tanana efa lasa zary fiainana andavanandro koa ka tsy misy mivaky loha intsony koa, ny gasy koa moa maka tsy taitra izay. Miandry ny loza hiatra vao mety ho may volotratra efa tara laotra amin'izay fotoana izay.

Ny akaotr'izay moa efa tsy vaovao intsony satria efa fantatrareo dôly ny radio maromaro nakatona, ny mambra ao @ CT sy CTS  notendrena, ny faharesen'ny barea fanidrony indray, ny lalana eo @ 13 mai notapahana ilay manolona ny lapan'ny tanana tsy mety vita io sic kely sisa ka efa ho vita ihany.

Ny vaovao vao mafana dia hanokatra fivarotana PPN isakin'ny firaisana ny eo anivon'ny kaominy hirary hono ny entana amidy amin'ireo fivarotana ireo ka asa indray na an'iza ny vola miditra avy eo na ho an'iza misitery izany mon ami.

Tapitra.

Miala tsiny fa natao maimaika ny lahatsoratra fa lazain'ny sasany fa tsy miblaogy intsony oe fa varina any ho any!!! 

 

[Politika ] 03 Martsa, 2009 08:06

Mitohy ihany ny tolona etsy @ 13 mai ary omaly no nanomboka ny fitokonana faobe. Tsy dia tafita 100% moa izany hetsika izany na dia niezaka mafy ary ny mpanentana sy ny mpikomy handresy lahatra ny olona. Nifarana t@ vaky trano sy ny fandrobana arakin'ny mahazatra moa ny hetsika. Lasibatra avokoa ny teny Tsaralalana sy ny manodidina soa ihany fa teo ny mpitandro ny filaminana.

 

Mbola nahitana razana ihany koa tao @ ilay tranombarotra may "Trading center" ka naranty teo @ 13 mai ireo razana ireo. Tsy naneho ny heviny moa i Andry Rajoelina t@ ireo faty hita ireo fa nanamarika fotsiny izy fa faty nafenin'ny fanjakana tao ireo!!! Napetraka teo anolon'ny lapihazo teo moa ireo razana ireo. Asa inona ny antony tsy mbola mazava.

Nisy korotana ihany koa teny Ambohipo omaly satria dia nanao barazy eran'ny tanàna ny mpomba ny 13mai ka noravan'ny emmonat ny sakana nisy naratra mazava ho azy noho ny fandosirana ny sasany t@ ireo nanao barazy. Voaelingelina arak'izany ny fivezivezena eo @ fiara sy ny mponina manodidina. Mbola demokrasia malagasy koa izany.

 

Niely koa ilay tapakila na banky azon'Ingahy Rajoelina avy any @ José Viane. Ny fahamarinany kosa aloha tsy fantatra satria efa avo lenta ihany ny teknolojia izao ka mety azo amboarina ihany itony zavatra itony. Na izany aza tsy midika koa oe tsy mitombona ilay izy fa natao ieritreretana tokoa oe sao dia mba marina ihany ary!!!

 

Nokorotanin'ny fanjakana ihany koa ny onjam-peo ny fahitalavitra sy ny radio viva ka tsy nisy feo sy sary intsony nanomboka ny asabotsy ny nakaty!!! Hany herin'ny radio viva dia nafindrany na notsindriny avy hatrany koa ny onjam-peo ny radio fahazavana izay radio ara-pilazantsara an'ny protestanta. LOL

(sahalan'izao angamba ny fitaovana ampiasaina handravana ny radio tele viva tena samy be atidoha marina)

Jereo koa eto 

«Mialoha   1 2 3 4 5 6 7 8 9 10 11  Manaraka»